ແມ່ນຫຍັງຈະເກີດຂຶ້ນ ຖ້າຫາກການເລືອກຕັ້ງປະທານາທິບໍດີສະຫະລັດ ບໍ່ມີຜູ້ແພ້ ຜູ້ຊະນະ?

ສຳນັກຂ່າວ The Hill ຂອງສະຫະລັດ ລາຍງານທາງວິທະຍຸວັນທີ 2 ພະຈິກຈາກຄຳຖະແຫຼງການຂອງທ່ານ ນາງ ເປໂລຊີວ່າ: “ພວກເຮົາເຂົ້າໃຈດີວ່າກົດຂອງມັນແມ່ນແນວໃດ ແລະ ເຂົ້າໃຈດີກ່ຽວກັບບົດບາດຂອງສະພາ, ໂດຍສະເພາະແມ່ນສະພາຜູ້ແທນປະຊາຊົນ ຕໍ່ກັບການນັບຄະແນນ. ພວກເຮົາພ້ອມແລ້ວ ແລະ ໄດ້ກະກຽມໄວ້ທຸກຢ່າງ…”.

ຖ້າຫາກຜົນການເລືອກຕັ້ງບໍ່ມີຜູ້ຊະນະຢ່າງຂາດຂັ້ນຈາກຄະແນນສຽງຂອງຜູ້ເລືອກຕັ້ງສ່ວນຫຼາຍ. ສະພາຕໍ່າຂອງສະຫະລັດຈະເປັນຜູ້ເລືອກປະທານາທິບໍດີ, ໃນຂະນະນັ້ນ ຕົວແທນຂອງແຕ່ລະລັດຈະມີບັດຄະແນນສຽງ 1 ບັດ ເພື່ອເລືອກປະທານາທິບໍດີ ແລະ ຜູ້ສະໝັກເລືອກຕັ້ງຕ້ອງໄດ້ຮັບຄະແນນສຽງສະໜັບສະໜູນຈາກ 26 ລັດຂຶ້ນເມືອ ຈຶ່ງຈະໄດ້ເປັນປະທານາທິບໍດີຄົນຕໍ່ໄປ.

ຫຼັງຈາກນັ້ນ ສະມາຊິກລັດຖະສະພາຈະເລືອກເອົາຮອງປະທານາທິບໍດີ, ຖ້າຜູ້ສະໝັກຄົນໃດໄດ້ຄະແນນສຽງຈາກສະມາຊິກລັດຖະສະພາ 51 ສຽງກໍຈະເປັນຜູ້ຊະນະ.

ສະມາຊິກສະພາຕໍ່າ ຈະເລືອກເອົາປະທານາທິບໍດີໜຶ່ງໃນ 3 ຄົນທີ່ມີຄະແນນສຽງຈາກປະຊາຊົນຫຼາຍທີ່ສຸດ. ໃນຂະນະດຽວກັນ ສະມາຊິກສະພາສູງຈະເລືອກເອົາ 1 ໃນ 2 ຄົນ ທີ່ມີຄະແນນສຽງສູງສຸດເປັນຮອງປະທານາທິບໍດີ.

ກ່ອນໜ້ານັ້ນ Axios ລາຍງານວ່າ ທຣຳ ຄາດວ່າຈະຈັດການປະກາດໄຊຊະນະໃນຄໍ່າຄືນຂອງການປ່ອນບັດເລືອກຕັ້ງ ຖ້າຫາກມີຄະແນນນຳ ແຕ່ຈາກນັ້ນ ທຣຳ ກໍໄດ້ຍົກເລີກ ແລະ ປະຕິເສດ ບັນຫາດັ່ງກ່າວໄປໃນທີ່ສຸດ.