GDP ຫວຽດນາມເພີ່ມຂຶ້ນໃນໄຕມາດສອງ
ຮ່າໂນ້ຍ 29 ມິຖຸນາ: ຂໍ້ມູນທາງການຫວຽດນາມລາຍງານໃນວັນທີ 29 ມິຖຸນານີ້ວ່າ: ເສດຖະກິດຫວຽດນາມ ເຊິ່ງຟື້ນຕົວດີຂຶ້ນໃນໄຕມາດສອງ ຂະຫຍາຍຕົວ 6,17% ໂດຍໄດ້ແຮງໜຸນຈາກຂະແໜງອຸດສາຫະກຳ ແລະ ການບໍລິການ.
ເສດຖະກິດຫວຽດນາມ ເຊິ່ງມີແຮງໜຸນຈາກການສົ່ງອອກເຕີບໃຫຍ່ຢ່າງຊັກຊ້າໃນປີຜ່ານມາ, ຂະນະທີ່ປະສົບບັນຫາໃນການຟື້ນຕົວ ເນື່ອງຈາກຜະເຊີນໄພແຫ້ງແລ້ງ ແລະ ເຫດປາຕາຍເທື່ອໃຫຍ່ບໍລິເວນແຄມຝັ່ງທາງພາກກາງ. ສຳລັບການຂະຫຍາຍຕົວໃນໄລຍະສາມເດືອນທຳອິດຂອງປີນີ້ຫລຸດລົງສູ່ລະດັບຕໍ່າສຸດໃນຮອບສາມປີ 5,15% ໂດຍເປັນຍ້ອນການສົ່ງອອກຫລຸດລົງຈາກບັນຫາບໍລິສັດຊຳຊຸງ ຜູ້ລົງທຶນລາຍໃຫຍ່ຂອງປະເທດ. ສຳນັກງານສະຖິຕິແຫ່ງຊາດຫວຽດນາມລາຍງານວ່າ: ອັດຕາການຂະຫຍາຍຕົວຂອງ GDP ລະຫວ່າງເດືອນເມສາ-ມິຖຸນາເພີ່ມຂຶ້ນເປັນ 6,17% ຈາກການເຕີບໃຫຍ່ໃນຂະແໜງອຸດສາຫະກຳ ແລະ ບໍລິການ, ເຖິງວ່າໃນຂະແໜງບໍ່ແຮ່ຈະຂະຫຍາຍຕົວຊ້າລົງກໍຕາມ.
