ຫໍແຈກໄມ້ເກົ່າວັດພະທາດອີງຮັງໄດ້ຮັບການປະຕິສັງຂອນສຳເລັດແລ້ວ

ໃນວັນທີ 27 ມິຖຸນານີ້, ທາງ  ຄະນະກຳມະການປະຕິສັງຂອນ ຫໍແຈກໄມ້ທີ່ຊຸດໂຊມຢູ່ທາດອີງຮັງ ນຳໂດຍທ່ານ ກຸນາ ເຫລື່ອເທພາ ປະທານແນວລາວສ້າງຊາດ ເມືອງໄກສອນ ພົມວິຫານ ແຂວງ  ສະຫວັນນະເຂດທັງເປັນຄະນະຊີ້ ນຳລວມການປະຕິສັງຂອນຫໍ ແຈກໄມ້ວັດພະທາດອີງຮັງພ້ອມ ດ້ວຍຄະນະທີ່ມາຈາກຫ້ອງວ່າ ການປົກຄອງແຂວງ, ພະແນກ ຖວທ  ແຂວງ, ຫ້ອງການ ຖວທ ເມືອງ,  ແນວລາວສ້າງຊາດ ເມືອງ, ອຳນາດການປົກຄອງບ້ານທາດອີງຮັງພີເສດກໍ່ມີພະ ສົງຈາກວັດພະທາດອີງຮັງໄດ້ພ້ອມກັນລົງຕິດຕາມ ແລະ ກວດກາຄືນ ເບິ່ງຜົນສຳເລັດຂອງການບູລະນະປະຕິສັງຂອນຫໍ ແຈກໄມ້ຫລັງເກົ່າຢູ່  ວັດພະທາດອີງຮັງພາຍຫລັງທີ່ໄດ້ມີການ ບູລະນະປະຕິສັງຂອນຄືນໃໝ່ ໃນຕົ້ນເດືອນມິຖຸນານີ້.

+ ວັດອິນແປງ ວໍຣະວິຫານ ສະຖາປັດຕະຍະກຳອັນໂດດເດັ່ນ

+ ໄປວັງວຽງຢ່າລືມໄປທ່ຽວຖ້ຳຈັງ, ຖ້ຳປູຄຳ, ຖ້ຳຊ້າງ ແລະ ຖ້ຳລົມ

+ ເຈົ້າແຂວງສະຫວັນນະເຂດເຂົ້າຮ່ວມງານສະເຫລີມສະຫລອງ ວັນສ້າງຕັ້ງສາຍພົວພັນມິດຕະພາບຫວຽດນາມ-ທີ່ແຂວງເຊິນລາ

ສຳລັບການບູລະນະປະຕິສັງຂອນຫໍແຈກໄມ້ດັ່ງກ່າວແມ່ນເລີ່ມລົງມືກໍ່ສ້າງມາແຕ່ກາງປີ 2016  ແລະ ມາຮອດປັດຈຸບັນແມ່ນໄດ້ສຳເລັດແລ້ວ 100%,  ລວມມູນຄ່າການກໍ່ສ້າງຕົວຈິງ 600 ລ້ານກວ່າກີບເພື່ອປະຕິສັງ ຂອນໃຫ້ຄົງຮັກສາໄວ້ ເຊິ່ງຮູບແບບ ແລະ ລັກສະນະຂອງຫໍ ແຈກໄມ້ຫລັງເກົ່າໄວ້, ທັງນີ້ກໍເພື່ອເປັນການອະນຸລັກຮັກສາມໍ ລະດົກທາງດ້ານວັດທະນະ ທຳຂອງແຂວງສະຫວັນນະເຂດໄວ້,   ໃຫ້ຍືນຍົງໂດຍການປະກອບສ່ວນທຶນຮອນ ແລະ ແຜ່ປັດໄຈ ຕ່າງໆຈາກສັງຄົມທັງພາຍໃນ ແລະ ຕ່າງປະເທດຈາກການລົງຕິດຕາມເບິ່ງຜົນສຳເລັດ ຕົວຈິງ ເຫັນວ່າການບູລະນະປະຕິສັງ ຂອນຫໍແຈກໄມ້ດັ່ງກ່າວແມ່ນໄດ້ສຳເລັດຕາມລະດັບຄາດໝາຍ.