ການຜະລິດກະສິກຳເປັນສິນຄ້າຢູ່ນະຄອນຫລວງມີການຂະຫຍາຍຕົວສູງ

ອົງການປົກຄອງນະຄອນຫລວງວຽງຈັນໃຫ້ຮູ້ວ່າ: ນະຄອນຫລວງວຽງຈັນ ເປັນເຂດໜຶ່ງຂອງປະເທດທີ່ມີການຜະ ລິດກະສິກໍາເປັນສີນຄ້າຂະຫຍາຍຕົວສູງ, ໂດຍສະເພາະໄລຍະ 6 ເດືອນຜ່ານມານີ້ສາມາດປັກດໍານາແຊງແລ້ວຫລາຍກວ່າ 15 ພັນເຮັກຕາ, ຄາດຄະເນຜົນຜະ ລິດໄດ້ປະມານ 76 ພັນກວ່າໂຕນ, ການຜະລິດພືດຜັກຕ່າງໆປະຕິບັດໄດ້ຫລາຍກວ່າ  71 ພັນໂຕນ, ການຜະລິດໝາກໄມ້ໄດ້ປະມານ 13 ພັນກວ່າໂຕນ, ປູກພືດອຸດສະຫະກໍາປະຕິບັດໄດ້ 15 ພັນກວ່າໂຕນ ແລະ ສໍາລັບການສະໜອງ ທາດຊີ້ນ ແລະ ປາກໍສາມາດປະຕິບັດໄດ້ຫລາຍກວ່າ 24 ພັນໂຕນ.

+ ເຈົ້າແຂວງບໍລິຄຳໄຊເຄື່ອນໄຫວຊຸກຍູ້ການຜະລິດເປັນສິນຄ້າຢູ່ເມືອງປາກກະດິງ

+ ລົງນາມບົດບັນທຶກຄວາມເຂົ້າໃຈໂຄງການພັດທະນາລະບົບກະສິກຳເປັນສິນຄ້າທັນສະໄໝ

ສ່ວນການຜະລິດຫົວອາຫານສະໜອງໃຫ້ແກ່ການ ລ້ຽງສັດກໍມີທ່າອຽງເພີ່ມຂຶ້ນ, ສາມາດປະຕິບັດໄດ້ຫລາຍ ກວ່າ 20 ພັນໂຕນ, ໃນນີ້ມີຫົວ ອາຫານໝູ ແລະ ສັດປີກ. ນອກຈາກນີ້ຍັງສາມາດປູກຫຍ້າເນ ເປຍ, ກີນີ ແລະ ລູຊີ ໄດ້ເກືອບ 800 ເຮັກຕາເພື່ອລ້ຽງສັດໃຫຍ່ ປະເພດງົວຄວາຍໃນນັ້ນຢູ່ເມືອງ ນາຊາຍທອງມີ 290 ເຮັກຕາ, ໄຊທານີເກືອບ 50 ເຮັກຕາ, ຫາດຊາຍຟອງ 16 ເຮັກຕາ, ສັງ ທອງ 185 ເຮັກຕາ ແລະ ເມືອງ ປາກງື່ມ 233 ກວ່າເຮັກຕາ. ສ່ວນການລ້ຽງງົວພັນມີທັງໝົດ 190 ຟາມ, ມີງົວພໍ່ແມ່ພັນ 9.500 ໂຕ. ໄປຄຽງຄູ່ກັນນັ້ນ, ກໍໄດ້ເອົາໃຈໃສ່ການຄຸ້ມຄອງ ລາຄາສີນຄ້າໃນທ້ອງຕະຫລາດຢ່າງເປັນປົກກະຕິ, ໂດຍສະເພາະສີນຄ້າທີ່ສົ່ງຜົນກະທົບໄວຕໍ່ ຊີວິດການ ເປັນຢູ່ຂອງປະຊາຊົນ ເປັນຕົ້ນ ແມ່ນໝວດສີນຄ້າສະບຽງອາຫານຕ່າງໆເຊັ່ນ: ຊີ້ນໝູຂາຍບໍ່ໃຫ້ເກີນ 35 ພັນກີບຕໍ່ ກິໂລ ແລະ ປາກະຊັງບໍ່ໃຫ້ເກີນ 20 ພັນກີບຕໍ່ກິໂລ.