ຍີ່ປຸ່ນ ຈະປ່ຽນແປງໃໝ່ ເພື່ອຢຸດຕິປ່ອຍອາຍກາກບອນໃນປີ 2050
ສຳນັກຂ່າວຕ່າງປະເທດລາຍງານເມື່ອວັນທີ 26 ຕຸລານີ້ວ່າ ນາຍົກລັດຖະມົນຕີ ຍີ່ປຸ່ນ Yoshihide Suga ປະກາດວ່າ ຈະຫຼຸດຜ່ອນການປ່ອຍອາຍກາກບອນອອກສູ່ອາກາດໃຫ້ເປັນ 0 ໃນປີ 2050 ຊຶ່ງເປັນຂີດໝາຍທີ່ສຳຄັນໃນວິໄສທັດຂອງ ໂຕກຽວໃນການປ່ຽນແປງດິນຟ້າອາກາດ.
ສຳນັກຂ່າວ ຣອຍເຕີ ໂດຍອ້າງອີງຄຳຖະແຫຼງ ຂອງນາຍົກລັດຖະມົນຕີຍີ່ປຸ່ນ ໃນວັນທີ 20 ຕຸລານີ້ທີ່ກ່າວວ່າ: “ການຕອບສະໜອງຕໍ່ການປ່ຽນແປງດິນຟ້າອາກາດ ບໍ່ໄດ້ເປັນອຸປະສັກຕໍ່ການພັດທະນາເສດຖະກິດ ອີກຕໍ່ໄປ. ພວກເຮົາຕ້ອງປ່ຽນແປງທັດສະນະຄະຕິທີ່ວ່າ ການຕ້ານການປ່ຽນແປງຂອງດິນຟ້າອາກາດນັ້ນຈະສົ່ງຜົນກະທົບຕໍ່ການປ່ຽນແປງດ້ານອຸດສາຫະກຳ ແລະ ເສດຖະກິດ, ແຕ່ຫາກຍັງຈະເປັນການເພີ່ມຂຶ້ນທາງເສດຖະກິດອີກດ້ວຍ”.
ກ່ອນໜ້ານັ້ນ, ຍີ່ປຸ່ນ ໄດ້ວາງຄາດໝາຍລວມໄວ້າວ່າ ຈະບໍ່ປ່ອຍອາຍກາກບອນອອກສູ່ອາກາດໃນເຄິ່ງທ້າຍສະຕະວັດນີ້ ໂດຍບັນດານັກເຄື່ອນໄຫວດ້ານສະພາບແວດລ້ອມ ຕິຕຽນແບບບໍ່ມີຄວາມຫວັງ.
ເພື່ອເປັນການຫຼຸດຜ່ອນການປ່ອຍອາຍກາກບອນອອກສຸ່ອາກາດ ຍີ່ປຸ່ນ ຈະພັດທະນາພະລັງງານຈາກສອງແຫຼ່ງ: ພະລັງງານແສງຕາເວັນ ແລະ ຜະລິດຊໍ້າອາຍກາກບອນ ພ້ອມດຽວກໍຊຸກຍູ້ພະລັງງານປະລະມະນູໄປພ້ອມໆກັນ. ນອກຈາກນັ້ນ ຍີ່ປຸ່ນຍັງຈະຫັນສັງຄົມໃຫ້ເປັນສັງຄົມດີຈີຕອນຢ່າງແຂງແຮງ.
