ສະຖາບັນການສຶກສາຊັ້ນສູງລາວ,ມຽນມາ,ໄທແລະຟິນແລນຫາລືການຮ່ວມມືດ້ານປ່າໄມ້

ກອງປະຊຸມປຶກສາຫາລື ເພີ່ມທະວີການຮ່ວມມືດ້ານການ ຮັກສາສິ່ງແວດລ້ອມ, ໂດຍສະເພາະການສຶກສາຊັ້ນສູງດ້ານປ່າໄມ້ລາວ, ມຽນມາ, ໄທ ແລະ ຟິນ ແລນໄດ້ມີຂຶ້ນໃນວັນທີ 27 ມິຖຸນານີ້, ທີ່ແຂວງສະຫວັນນະເຂດ, ໂດຍການເຂົ້າຮ່ວມຂອງ ທ່ານ ຄຳພູນ ຕຸໄພທູນ ຮອງເຈົ້າ  ແຂວງດັ່ງກ່າວ ແລະ ມີຜູ້ຕາງໜ້າຈາກມະຫາວິທະຍາໄລແຫ່ງ ຊາດ, ສະພານຸວົງ, ສະຫວັນນະເຂດ ແລະ ມະຫາວິທະຍາໄລປະ ເທດມຽນມາ, ມະຫາວິທະຍາໄລ ເສດຖະສາດຣາຊະອານາຈັກໄທ  ແລະ ມະຫາວິທະຍາໄລເຮວຊິນກີຈາກປະເທດຟິນແລນເຂົ້າຮ່ວມ.

+ ທະນາຄານແຫ່ງ ສປປ ລາວ ໂຈະ! ອອກໃບອະນຸຍາດໃຫ້ສະຖາບັນການເງິນຊົ່ວຄາວ

+ ມະຫາກໍານັດພົບແຮງງານ ແລະການສຶກສາວຽງຈັນ ຄັ້ງທີ 7

+ ຍົກລະດັບວຽກງານແຜນການ ແລະ ການຮ່ວມມືໃຫ້ພະນັກງານ ຮສສ 8 ແຂວງພາກເໜືອ

ກອງປະຊຸມໄດ້ສຸມໃສ່ຫາ ລືເພື່ອເພີ່ມທະວີການຮ່ວມມືຊ່ວຍເຫລືອໃນການຍົກລະດັບຄວາມ ອາດສາມາດການສິດສອນ ຂອງຄູອາຈານສຳລັບການສຶກ ສາຊັ້ນສູງດ້ານປ່າໄມ້ໃຫ້ມີ ຄວາມສາມາດໃນການນຳໃຊ້ເຄື່ອງມືທີ່ທັນສະໄໝຕ່າງໆເຊັ່ນ:   ຄອມພິວເຕີ, ເຄື່ອງອັດແທກປ່າໄມ້ແບບໃໝ່ ແລະ ອື່ນໆ. ໃຫ້ມີຄວາມສຳນານ ແລະ ທ່ວງທັນກັບການຂະຫຍາຍຕົວ ຂອງລະ  ບົບເຕັກໂນໂລຊີທີ່ທັນສະໄໝແນ່ ໃສ່ສ້າງພະນັກງານວິຊາການດ້ານປ່າໄມ້ໃຫ້ມີຄວາມເຂັ້ມແຂງເພື່ອມີຄວາມອາດສາມາດໃນການປົກປັກຮັກສາປ່າໄມ້, ໂດຍສະເພາະຂົງເຂດ ແມ່ນ້ຳຂອງໃຫ້ດີຂຶ້ນກວ່າເກົ່າ.

ໂຄງການຮ່ວມມືດັ່ງກ່າວ ເຊິ່ງໄດ້ຮັບການສະໜັບສະໜູນ ແຫລ່ງທຶນ, ປຶ້ມຄູ່ມືດ້ານການສິດສອນຈາກມະຫາວິທະຍາໄລເຮວຊິນກີປະເທດຟິນແລນ ເພື່ອແນໃສ່ສົ່ງເສີມການຄົ້ນ ຄວ້າວິໄຈ  ແລະ ຈັດຕັ້ງປະຕິບັດໂຄງການຮ່ວມມືດັ່ງກ່າວໃຫ້ມີປະສິດທິຜົນ.