ຍທຂ ແຂວງອັດຕະປື ສຳເລັດການຍົກລະດັບເພື່່ອຮັບມືກັບການປ່ຽນແປງສະພາບດິນຟ້າອາກາດ

ຊຸດຝຶກອົບຮົມເພື່ອຍົກລະດັບກ່ຽວກັບການຮັບມືກັບການປ່ຽນແປງສະພາບດິນຟ້າອາກາດ ໃຫ້ແກ່ພະນັກງານໂຍທາທິການ ແລະ ຂົນສົ່ງແຂວງແັດຕະປືໄດ້ສຳເລັດລົງໃນວັນທີ 23 ຕຸລາຜ່ານມານີ້ ພາຍຫຼັງທີ່ດໍາເນີນເປັນເວລາ 5 ວັນ, ທີ່ແຂວງອັດຕະປື, ໂດຍສະຖາບັນຝືກອົບຮົມໂຍທາທິການ ແລະ ຂົນສົ່ງ ຮ່ວມກັບ ພະແນກການດັ່ງກ່າວ,ໂດຍມີທ່ານ ກາຍທາວເຊັນ ຫົວໜ້າທີມທີ່ປືກສາໂຄງການຟື້ນຟູພື້ນຖານໂຄ່ງລ່າງບັນດາແຂວງພາກໃຕ້ລາວ,ພ້ອມດ້ວຍວິທະຍາກອນ ໃນຂົງເຂດວຽກງານ ໂຍທາທິການ ແລະ ຂົນສົ່ງ .

ໃນຊຸດອົບຮົມບັນດາສໍາມະນາກອນໄດ້ຮຽນຮູ້ບົດຮຽນ ແລະ ປະສົບການສໍາຄັນ ໃນການຮັບມືຕໍ່ການປ່ຽນແປງສະພາບອາກາດດິນຟ້າອາກາດ ທັງພາກທິດສະດີແລະເຕັກນິກການປະຕິບັດຕົວຈິງ.ຊຶ່ງຜ່ານການປະເມີນຄວາມຮູ້ສະເລ່ຍແລ້ວສູງ ເຖິງ 74,50%.

ການຮັບມືຕໍ່ການປ່ຽນແປງສະພາບດິນຟ້າອາກາດ ແລະ ເຕັກນິກການປະຕິບັດຕົວຈິງ ຄັ້ງນີ້ແມ່ນມີຄວາມຈຳເປັນ ແລະ ສຳຄັນຢ່າງຍິ່ງ ເຊິ່ງຈະຊ່ວຍໃຫ້ບັນດາສຳມະນາກອນ ມີຄວາມເຂົ້າໃຈເຖິງຫຼັກກການໃນການຮັບມືຕໍ່ການປ່ຽນແປງສະພາບດິນຟ້າອາກາດ ແລະ ນຳໄປຜັນຂະຫຍາຍ ເຂົ້າໃນການຈັດຕັ້ງປະຕິບັດວຽກງານຕົວຈິງໃຫ້ມີປະສິດທິພາບຜົນສູງ.