ສະຫລຸບບັນຫາໜ້າສົນໃຈທົ່ວໂລກ ວັນທີ 22 ຕຸລາ 2020

1. Ant Group ບໍລິສັດ Fintech ລາຍໃຫຍ່ທີ່ສຸດຂອງຈີນໄດ້ຮັບອະນຸມັດຈາກໜ່ວຍງານເບິ່ງ ແຍງຂອງລັດສຳລັບການສະເໜີຂາຍ IPO ໃນຕະຫລາດຊຽງໄຮ້. ຂະນະທີ່ການຈົດລາຍຊື່ຄູ່ (Dual-Listing) ໃນຕະຫລາດຮົງກົງນຳນັ້ນ ຄາດວ່າຈະເຮັດໃຫ້ເປັນການສະເໜີຂາຍຫຸ້ນ IPO ໃຫຍ່ທີ່ສຸດໃນປະຫວັດສາດ ເຊິ່ງຈະລະດົມທຶນໄດ້ປະມານ 3,5 ໝື່ນລ້ານໂດລາ.

Ant ໄດ້ຮັບອະນຸມັດຈາກຕະຫລາດຫລັກຊັບຮົງກົງໃນວັນທີ 19 ຕຸລາຜ່ານມາ ແລະ ຄາດວ່າຈະ ເລີ່ມຊື້ຂາຍໃນຕົ້ນເດືອນພະຈິກນີ້.

2. ການປະທ້ວງໃນປະເທດ Nigeria ຍັງດຳເນີນໄປຢ່າງຕໍ່ເນື່ອງ ເຖິງວ່າຈະມີການປະກາດເຄີຟິວ ຈາກລັດຖະບານ ເຊິ່ງເກີດຂຶ້ນຫລັງຈາກຕຳຫລວດເປີດສາກຍິງຜູ້ປະທ້ວງໃນເມືອງ Lagos ເຮັດໃຫ້ມີຜູ້ເສຍຊີວິດຈຳນວນຫລາຍ (ເລື່ອງນີ້ຍັງຂັດແຍ່ງກັນຢູ່).

ຝູງຊົນລວມຕົວກັນຢູ່ Lagos ເຊິ່ງເປັນເມືອງຫລັກທາງການຄ້າຂອງປະເທດມາຫລາຍອາທິດແລ້ວ ເພື່ອປະທ້ວງຄວາມໂຫດຮ້າຍຂອງຕຳຫລວດ ໂດຍໜ່ວຍຕໍ່ຕ້ານການໂຈລະກຳພິເສດ (The Special Anti-Robbery Squad) ຖືກກ່າວຫາວ່າສຸຈະລິດ ແລະ ໃຊ້ຄວາມຮຸນແຮງ ແລະ ນັ້ນເປັນຈຸດເລີ່ມຕົ້ນ ຂອງຄວາມຄຽດແຄ້ນຂອງຜູ້ປະທ້ວງທີ່ຖືກປາບປາມໄປເມື່ອຕົ້ນເດືອນນີ້, ແຕ່ມັນພັດເຮັດໃຫ້ພວກເຂົາຕ້ອງ ການປະຕິຮູບຕຳຫລວດຫລາຍຂຶ້ນ.

3. ສົມເດັດພະສັນຕະປາປາຟຣານຊິສ (Pope Francis) ໄດ້ໃຫ້ການສະໜັບສະໜູນຂອງທ່ານສຳ ລັບສະຫະພາບພົນລະເຮືອນຄູ່ຮັກເພດດຽວກັນ (civil unions for same-sex couples) ເຊິ່ງມີຢູ່ເລື້ອຍໆທີ່ທ່ານສະແດງຄວາມໃຈກວ້າງຕໍ່ກຸ່ມຫລາກຫລາຍທາງເພດຫລາຍກວ່າພະສັນຕະປາປາລຸ້ນກ່ອນໆ. ຂະນະທີ່ທ່ານສະແດງຄວາມຄິດເຫັນໃນສາລະຄະດີເລື່ອງໃໝ່ວ່າ: “ການຮັບຮອງສະມາຄົມພົນລະເຮືອນຕາມກົດໝາຍຈະເປັນການປ່ຽນແປງຄັ້ງໃຫຍ່ທີ່ສຸດຈາກຕຳແໜ່ງເກົ່າຂອງຄຣິດຕະຈັກຄາທໍລິກ”.
4. ປັດຈຸບັນທ່າອ່ຽງການບັນລຸຂໍ້ຕົກລົງຍັງບໍ່ຈະແຈ້ງ ໂດຍ Mitch McConnell ຜູ້ນຳວຸດທິສະພາ ພັກ Republican ບອກກັບທຳນຽບຂາວໃຫ້ປະຕິເສດຂໍ້ຕົກລົງເພື່ອກະຕຸ້ນເສດຖະກິດຂອງ Nancy Pelosi ໂຄສົກສະພາຜູ້ແທນອາເມລິກາ. ຂະນະທີ່ທ່ານ ໂດນັລ ທຣຳ ກຳລັງເລັ່ງໃຫ້ ມີການບັນລຸຂໍ້ຕົກລົງກ່ອນການເລືອກຕັ້ງ.

ນອກຈາກນີ້ ຍັງມີບາງແຫລ່ງຂ່າວໃຫ້ຂໍ້ມູນວ່າ: Pelosi ແລະ Steve Mnuchin ລັດຖະມົນຕີກະ ຊວງການເງິນໃກ້ຈະຕົກລົງກັນໄດ້ກັບແພັກເກລມູນຄ່າໃກ້ຄຽງກັບ 2 ຕື້ໂດລາ.

5. ບໍລິສັດ Purdue Pharma ໄດ້ບັນລຸຂໍ້ຕົກລົງກັບໄອຍະການອາເມລິກາ ສຳລັບບົດບາດໃນວິ ກິດ Opioid crisis ເຊິ່ງໝາຍເຖິງການແຜ່ລະບາດຂອງການໃຊ້ຢາແກ້ປວດທີ່ມີສານສະກັດມາ ຈາກຝິ່ນ ໂດຍພວກເຂົາເປັນຜູ້ຜະລິດຢາ OxyContin ຈະຈ່າຍຄ່າປັບໄໝ 8,3 ພັນລ້ານໂດ ລາ ແລະ ຮັບສາລະພາບໃນຂໍ້ຫາສໍ້ໂກງອາເມລິກາ 3 ຂໍ້ຫາ ແລະ ການລະເມີດກົດໝາຍ Kickback Statute ເຊິ່ງໝາຍເຖິງການທີ່ບຸກຄະລາກອນທາງການແພດຫ້າມຮັບເງິນໃຕ້ໂຕະ (ລວມທັງສິ່ງຕອບແທນອື່ນໆ) ເພື່ອຜົນປະໂຫຍດໃດໆຂອງຄົນເຈັບ.

ໄອຍະການກ່າວວ່າ: ແຮງຈູງໃຈທີ່ຫລວງຫລາຍສຳລັບແພດໃນການສັ່ງຈ່າຍຢາແກ້ປວດທີ່ມີສານສະ ກັດມາຈາກຝິ່ນຂອງ Purdue ເຮັດໃຫ້ການຕັດສິນໃຈດ້ານການເບິ່ງແຍງສຸຂະພາບຜິດພ້ຽນ ແລະ ນຳໄປ ສູ່ການເສບຕິດຢ່າງກວ້າງຂວາງ.

6. ນາຍົກລັດຖະມົນຕີຂອງໄທກ່າວວ່າ: ທ່ານຈະຍົກເລີກມາດຕະການສຸກເສີນທີ່ຕັ້ງໃຈຈະຢຸດການ ປະທ້ວງ ຫລັງຈາກກົດຫ້າມການຊຸມນຸມທາງການເມືອງ ເຊິ່ງເກີດຂຶ້ນໃນອາທິດຜ່ານມາ ພັດສົ່ງ ຜົນໃຫ້ຜູ້ປະທ້ວງທີ່ຮຽກຮ້ອງປະຊາທິປະໄຕຫລາຍໝື່ນຄົນອອກມາທ້າທາຍພວກເຂົາຫລາຍຂຶ້ນ ຕາມທ້ອງຖະໜົນ. ຂະນະທີ່ຜູ້ປະທ້ວງຍັງຮຽກຮ້ອງໃຫ້ລັດຖະບານລາອອກ ແລະ ກວດສອບ- ປະຕິຮູບອຳນາດຂອງສະຖາບັນກະສັດ.
7. ທ່ານ ໂດນັລ ທຣຳ ແລະ ທ່ານ ໂຈ ໄບເດນ ຈະຜະເຊີນໜ້າກັນໃນຄືນນີ້ ຢູ່ເມືອງ Nashville ລັດ Tennessee ໂດຍຄັ້ງນີ້ຈະເປັນການຜະເຊີນໜ້າກັນຄັ້ງທີ 2 ແລະ ຄັ້ງສຸດທ້າຍຂອງພວກ ເຂົາຫລັງຈາກທ່ານ ທຣຳ ຖອນຕົວຈາກການ Debate ທາງວິດີໂອທີ່ມີກຳນົດຈັດຂຶ້ນໃນອາທິດ ຜ່ານມາ.