ສະຫວັນນະເຂດຈະເລີ່ມຈັດຕັ້ງປະຕິບັດໂຄງການກໍ່ສ້າງ ປ້ອງກັນຕາຝັ່ງເຈື່ອນແຄມຂອງໄລຍະ 2
ພິທີເຊັນສັນຍາໂຄງການກໍ່ສ້າງປ້ອງກັນຕາຝັ່ງເຈື່ອນ (ໂຄງການພັດທະນາແຄມຂອງ ເມືອງໄກສອນ ພົມວິຫານ ຊ່ວງ ທີ2) ຂອງແຂວງສະຫວັນນະເຂດໄດ້ມີຂຶ້ນໃນວັນທີ 26 ມິຖຸນານີ້, ທີ່ເທສະບານແຂວງດັ່ງກ່າວ. ໂດຍການເຂົ້າຮ່ວມຂອງທ່ານ ຫົວໜ້າຫ້ອງວ່າການປົກຄອງ ແຂວງ, ທ່ານເຈົ້າເມືອງໄກສອນ ພົມວິຫານ, ທ່ານ ຫົວໜ້າພະແນກໂຍທາທິການ ແລະ ຂົນສົ່ງແຂວງ.
+ ສະຫວັນນະເຂດອົບຮົມວຽກງານກົງສຸນໃຫ້ພະນັກງານການຕ່າງປະເທດແຂວງ
+ ເຈົ້າແຂວງສະຫວັນນະເຂດເຂົ້າຮ່ວມງານສະເຫລີມສະຫລອງ ວັນສ້າງຕັ້ງສາຍພົວພັນມິດຕະພາບຫວຽດນາມ-ທີ່ແຂວງເຊິນລາ
+ ຮອງນາຍົກລັດຖະມົນຕີຢ້ຽມຢາມໂຄງການຂຸດຄົ້ນ-ປຸງແຕ່ງແຮ່ຄຳຢູ່ແຂວງອັດຕະປື
ທ່ານຫົວໜ້າຂະແໜງທາງນ້ຳ, ພະແນກ ຍທຂ ແຂວງໃຫ້ ຜູ້ວ່າ: ແຂວງສະຫວັນນະເຂດ ເປັນແຂວງໃຫຍ່, ມີເນື້ອທີ່ກວ້າງ ຂວາງ ແລະ ມີຊາຍແດນລຽບ ຕາມແມ່ນ້ຳຂອງຍາວ 129 ກິ ໂລແມັດ, ຜ່ານ 4 ຕົວເມືອງຄື: ເມືອງໄຊບູລີ, ເມືອງໄກສອນ ພົມວິຫານ, ເມືອງໄຊພູທອງ ແລະ ເມືອງສອງຄອນ. ເຊິ່ງໃນນັ້ນໂຄງການພັດທະນາແຄມຂອງເມືອງ ໄກສອນ ພົມວິຫານເປັນໂຄງການບູລິມະສິດ ທີ່ສຳຄັນຂອງແຂວງ, ເພື່ອປ້ອງກັນຕາຝັ່ງເຈື່ອນຕາມລຳແມ່ນ້ຳຂອງ ແລະ ຂະຫຍາຍພື້ນເມືອງທີ່ບໍລິເວນແຄມຂອງທີ່ຄັບແຄບໃນ ປັດຈຸບັນ ໃຫ້ກວ້າງອອກ, ເພື່ອເປັນສະຖານທີ່ສາທາລະນະປະໂຫຍດແກ່ ສັງຄົມເປັນຕົ້ນ: ສະຖານທີ່ອອກກຳລັງກາຍ, ສວນສາທາລະນະ, ສະຖານທີ່ທ່ອງທ່ຽວ ລຽບຕາມແຄມແມ່ນ້ຳທີ່ຕິດ ພັນກັບທຳມະຊາດທີ່ສວຍງາມ, ສ້າງສີສັນ ແລະ ສະເໜ່ໃຫ້ເມືອງໄກສອນ ພົມວິຫານ ເປັນເມືອງທີ່ໜ້າຢູ່, ມີຄວາມ ເປັນລະບຽບຮຽບຮ້ອຍ, ສວຍສົດງົດງາມ, ດຶງດູດ ແລະ ສົ່ງເສີມການທ່ອງທ່ຽວ ມີເອກະລັກໂດດເດ່ັນຂອງຕົວເມືອງ ແລະ ເພື່ອພັດທະນາເມືອງໄກສອນ ພົມວິຫານໃຫ້ເປັນນະຄອນ ໃນອະນາຄົດ ເຊິ່ງໂຄງການດັ່ງກ່າວມີຄວາມຍາວ 1.198 ແມັດ, ເລີ່ມແຕ່ສາລາແຄມຂອງ ໄປຫາປາກຫ້ວຍລົງກົງ, ມີມູນຄ່າກໍ່ສ້າງ 265 ຕື້ກີບ, ໂດຍຈະ ນຳໃຊ້ງົບປະມານການລົງທຶນ ຂອງລັດໃນແຕ່ລະປີ, ແລະ ມີກຳນົດການຊຳລະສະສາງ 9 ປີ ໂດຍເລີ່ມແຕ່ປີ 2017 ເປັນຕົ້ນໄປ.
ເຊິ່ງແມ່ນບໍລິສັດ ແສງວິໄຊ ຈຳກັດຜູ້ດຽວເປັນຜູ້ຊະນະການ ປະມູນການກໍ່ສ້າງ. ໂດຍຈະໃຊ້ ເວລາປະມານ 60 ເດືອນຈະໃຫ້ສຳເລັດ.
