ລາວ-ອີຢູຫາລືວຽກງານປະກັນສັງຄົມ
ວັນທີ 27 ມິຖຸນານີ້, ທີ່ນະ ຄອນຫລວງວຽງຈັນ, ທ່ານ Leo Faber ເອກອັກຄະລັດຖະ ທູດແຫ່ງສະຫະພາບເອີຣົບປະ ຈຳລາວ ໄດ້ຖືໂອກາດເຂົ້າພົບ ທ່ານ ຄຳແພງ ໄຊສົມແພງ ລັດ ຖະມົນຕີກະຊວງແຮງງານ ແລະ ສະຫວັດດີການສັງຄົມເພື່ອປືກ ສາຫາລືວຽກງານປະກັນສັງຄົມ ແລະ ການຮ່ວມມືຕ່າງໆ.
+ ລາວ ແລະ ສະຫະພາບເອີຣົບສະຫລອງການຮ່ວມມືຄົບຮອບ 20 ປີ
+ ນາຍົກລັດຖະມົນຕີ ໃຫ້ກຽດຕ້ອນຮັບການເຂົ້າຢ້ຽມຂ່ຳນັບຂອງອາສາສະໝັກຍີ່ປຸ່ນ
ທ່ານລັດຖະມົນຕີ ກ່າວວ່າ: ເພື່ອແນໃສ່ເພີ່ມທະວີການພົວ ພັນຮ່ວມມື ລະຫວ່າງລາວ ແລະ ອີຢູເວົ້າລວມ, ເວົ້າສະເພາະລະ ຫວ່າງກະຊວງແຮງງານ ແລະ ສະຫວັດດີການສັງຄົມ ແລະ ສະ ຫະພາບເອີຣົບຄື: ໂຄງການຫຼຸດ ຜ່ອນຄວາມສຽ່ງໄພພິບັດໄລ ຍະ 2 ແລະ ໄລຍະ 3 ຢູ່ພາກໃຕ້ ແລະ ໄລຍະ 4 ຢູ່ແຂວງວຽງຈັນ ສາມາດດຳເນີນມາຢ່າງມີຜົນ ສຳເລັດ ແລະ ໃນໂອ ກາດນີ້ທ່ານ ລັດຖະມົນຕີກໍໄດ້ລາຍງານສະ ພາບການເຄື່ອນໄຫວຈັດຕັ້ງ ປະຕິບັດວຽກງານຂອງຕົນ ແລະ ການຮ່ວມມືຊ່ວຍເຫຼືອພັດ ທະນາສີມືແຮງງານລາວຢູ່ຊົນ ນະບົດ ແລະ ຊ່ວຍ ສ້າງວຽກ ເຮັດງານ, ຊ່ວຍເຫຼືອຜູ້ປະສົບ ໄພພິບັດຕ່າງໆຢູ່ເຂດຫ່າງໄກ ສອກຫຼີກຂອງລາວຢ່າງ ມີຜົນ.
ທ່ານ Leo Faber ເອກ ອັກຄະລັດຖະທູດແຫ່ງສະຫະ ພາບເອີຣົບປະຈຳລາວ ໄດ້ກ່າວ ສະແດງຄວາມຂອບໃຈຕໍ່ລັດຖະ ບານລາວກໍຄືກະຊວງແຮງ ງານ ແລະ ສະຫວັດດີການສັງຄົມທີ່ ໄດ້ຮ່ວມມືຊ່ວຍເຫລືອ ແລະ ອຳ ນວຍຄວາມສະດວກຕ່າງໆແກ່ ການປະຕິບັດໜ້າທີ່ວຽກງານ ຂອງອີຢູ ແລະ ເຫັນໄດ້ເຖິງບົດ ບາດຄວາມສຳຄັນຂອງວຽກ ງານແຮງງານ ແລະ ສະຫວັດ ດີການສັງຄົມ ແລະ ໃນອະນາ ຄົດສະຫະພາບເອີຣົບ ພ້ອມຈະ ໃຫ້ການສະໜັບສະໜູນ ແລະ ລົງເລິກດ້ານວຽກງານປະກັນ ສັງຄົມໃຫ້ນັບມື້ຂະຫຍາຍຕົວ ຍິ່ງຂຶ້ນ.
