ສປປ ເກົາຫລີ ຈະສ້າງເຮືອນ 25.000 ຫລັງ ຊ່ວຍປະຊາຊົນ
ຣອຍເຕີ ແລະ ສະເຕຣດທາມ ລາຍງານໃນວັນທີ 15 ຕຸລາວ່າ: ທ່ານ ກິມຈ໋ອງອຸນ ຜູ້ນຳສູງສຸດຂອງ ສປປ ເກົາຫລີ ເດີນທາງຢ້ຽມຢາມພື້ນທີ່ປະສົບໄພພາຍຸໄຕ້ຝຸ່ນພັດຖະຫລົ່ມໃນເຂດກອມຕ໊ອກ ແຂວງຮຳພອງໃຕ້ ພ້ອມສັນຍາວ່າຈະສ້າງເຮືອນໃຫ້ປະຊາຊົນທີ່ໄດ້ຮັບຜົນກະທົບຢ່າງໜ້ອຍ 25.000 ຫລັງ ພາຍໃນເວລາ 5 ປີ.
ການເຄື່ອນໄຫວດັ່ງກ່າວເກີດຂຶ້ນຫລັງຈາກທ່ານ ກິມຈ໋ອງອຸນ ຫລັ່ງນ້ຳຕາກ່າວສູນທອດພົດຂອບໃຈປະຊາຊົນໃນວາລະຄົບຮອບ 70 ປີການສ້າງຕັ້ງພັກແຮງງານ ສປປ ເກົາຫລີ ເມື່ອວັນທີ 10 ຕຸລາຜ່ານມາ ເຊິ່ງທ່ານ ກິມຈ໋ອງອຸນ ຂອບໃຈທີ່ຊາວ ສປປ ເກົາຫລີ ເສຍສະຫລະ.
ແລະ ກວ່າ 1 ອາທິດຫລັງປະກາດໂຄງການ 80 ວັນ ແຜນເລັ່ງກະຕຸ້ນເສດຖະກິດຂອງປະເທດ ພາຍຫລັງຜະເຊີນກັບມາດຕະການຂວ້ຳບາດ, ໄພທຳມະຊາດ ແລະ ສະຖານະການໂຄວິດ-19 ກ່ອນສະພາຈະລົງມະຕິແຜນເສດຖະກິດໄລຍະຍາວ 5 ປີ ໃນເດືອນມັງກອນ 2021.
