ລັດຖະບານອິນໂດເນເຊຍຕັ້ງເປົ້າການເຕີບໃຫຍ່ທາງເສດຖະກິດປີ 2018 ໃຫ້ໄດ້ 6,1%

March 20, 2017 - 6:33 PM

- 14695052934732 300x138 - ລັດຖະບານອິນໂດເນເຊຍຕັ້ງເປົ້າການເຕີບໃຫຍ່ທາງເສດຖະກິດປີ 2018 ໃຫ້ໄດ້ 6,1%

ທ່ານ ໂຈໂກ ວີໂດໂດ ນາຍົກລັດຖະມົນຕີອິນໂດເນເຊຍ ກ່າວໃນກອງປະຊຸມຄົບຄະນະສະພາລັດຖະບານຂອງປະ ເທດຕົນວ່າ: ຕ້ອງຍົກຈັງຫວະການເຕີບໃຫຍ່ທາງເສດຖະກິດປີ 2018 ໃຫ້ເພີ່ມ 5,4% ເປັນ 6,1% ແລະ ເພື່ອບັນລຸ ເປົ້າໝາຍດັ່ງກ່າວໄດ້ຮຽກຮ້ອງໃຫ້ແຕ່ລະໜ່ວຍງານກຳນົດ ແລະ ປະຕິບັດແຜນພັດທະນາໃຫ້ເກີດຜົນເປັນຈິງ ທັງຍົກ ກຳລັງການຜະລິດໃຫ້ສູງຂຶ້ນ ພ້ອມທັງຊຸກຍູ້ການລົງທຶນ ແລະ ການເຕີບໃຫຍ່ທາງເສດຖະກິດ.

ຂະນະທີ່ທ່ານ ບຳບັງ ໂບຣດໂຈເນໂກໂຣ ລັດຖະມົນຕີກະຊວງເສດຖະກິດ ແລະ ແຜນການພັດທະນາອິນໂດເນເຊຍ ກໍ ກ່າວວ່າ: ເປົ້າໝາຍການເຕີບໃຫຍ່ທາງເສດຖະກິດຂອງປະເທດຕົນໃນປີ 2018 ຈະໃຫ້ຢູ່ໃນລະດັບ 6,1% ໂດຍແຕ່ລະ ເຂດຕ້ອງເປັນເຈົ້າການຈັດຕັ້ງປະຕິບັດລວມສະໜັບສະໜູນທັງສູນກາງ ແລະ ທ້ອງຖິ່ນກໍຕ້ອງໄດ້ປະສານສົມທົບກັບ ຢ່າງແໜ້ນແຟ້ນ, ຂະນະທີ່ສູນກາງຈະຊຸກຍູ້ວິສາຫະກິດເອກະຊົນຮ່ວມລົງທຶນໃນທົ່ວປະເທດ.