ອົງການອະນາໄມໂລກກ່າວ ຜິດສິນລະທຳ ຖ້າປ່ອຍໃຫ້ຜູ້ຕິດເຊື້ອຫວັງສ້າງຄວາມຄຸ້ມກັນໝູ່

ທ່ານ ໂດຣສ ອັດຮານອມ ກີບຣີເຢຊູສ ຜູ້ອຳນວຍການໃຫ່ຍອົງການອະນາໄມໂລກ ລະບຸວ່າ: ການຈັດການກັບການແຜ່ລະບາດຂອງໄວຣັດໂຄໂຣນາສາຍພັນໃໝ່ ດ້ວຍການປ່ອຍໃຫ້ປະຊາຊົນຕິດເຊື້ອຈຳນວນຫຼາຍ ຈົນມີພູມຄຸ້ມກັນເກີດຂຶ້ນເອງ ຖືວ່າເປັນທາງເລືອກທີ່ດີນັ້ນແມ່ນຜິດພາດ ໃນທ່າມກາງສະຖານະການທີ່ຍັງບໍ່ທັນສາມາດຜະລິດວັກຊີນຕ້ານໂຄວິດ-19 ໄດ້.

ທ່ານກ່າວເພີ່ມເຕີມວ່າ: ການດຳເນີນການແບບນັ້ນ ເປັນວິທີການສ້າງບັນຫາຕາມມາ ບໍ່ວ່າຈະແມ່ນທາງວິທະຍາສາດ ຫຼື ທາງສິນລະທຳ ທີ່ຜ່ານມາບໍ່ເຄີຍມີຄັ້ງໃດໃນປະຫວັດສາດດ້ານສາທາລະນະສຸກໂລກ ທີ່ຈະນຳໃຊ້ວິທີການດັ່ງກ່າວໃນການຕ້ານກັບການແຜ່ລະບາດໃຫ່ຍ.

ການປ່ອຍໃຫ້ໄວຣັດ ທີ່ມີຄວາມອັນຕະລາຍ ທີ່ເຮົາຍັງບໍ່ທັນມີຄວາມເຂົ້າໃຈມັນຢ່າງຊັດເຈນ ການແຜ່ລະບາດໄປທົ່ວໂລກນັ້ນ ເປັນເລື່ອງທີ່ບໍ່ຖືກຕ້ອງ ແລະ ມັນບໍ່ແມ່ນທາງເລືອກທີ່ຈະນຳມາໃຊ້ໃນການຈັດການກັບບັນຫາ(ທ່ານກ່າວຢໍ້າ).

ຜູ້ອຳນວຍການໃຫ່ຍ ອົງການອະນາໄມໂລກກ່າວວ່າ: ປັດຈຸບັນຍັງບໍ່ທັນມີຂໍ້ມູນທີ່ຊັດເຈນກ່ຽວກັບການພັດທະນາພູມຄຸ້ມກັນເພື່ອຮັບມືກັບໂຄວິດ-19 ບໍ່ວ່າຈະເປັນຄວາມແຂງແກ່ນຂອງລະບົບພູມຄຸ້ມກັນ. ດັ່ງນັ້ນ, ການປ່ອຍໃຫ້ໄວຣັດແຜ່ລະບາດ ໂດຍບໍ່ມີການກວດສອບ

ໝາຍຄວາມວ່າ ຖ້າປ່ອຍໃຫ້ມີການຕິດເຊື້ອໂດຍບໍ່ຈຳເປັນ ຊຶ່ງຈະນຳໄປສູ່ຄວາມທຸກທໍລະມານ ແລະ ການເສຍຊີວິດຂອງຜູ້ຄົນ.