ອະນາຄົດທີ່ສົດໃສຂອງທີມຊາດນໍຣເວ

ໃນການແຂ່ງຂັນບານເຕະ ຢູຟ້າ ເນຊັ່ນລີກ ລະດູການ 2020-21 ຮອບແບ່ງກຸ່ມນັດທີ 3 ຂອງລີກ A ກຸ່ມທີ 1 ໃນຄືນວັນທີ 11 ຕຸລາຜ່ານນີ້, ເອີລິ້ງ ຮາແລນ ກອງໜ້າດາວເດັ່ນ ໄວ 20 ປີ ຂອງສະໂມສອນ ໂບຣຸສເຊຍ ດັອດມຸນ ຊ່ວຍທີມຊາດນໍຣເວ. ທີມຊາດຣູມານີ້ 4-0 ໂດຍ ຮາແລນ ຊັດແຮັດທຣິກທຳອິດໃນນາມທີມຊາດ ນາທີ 13′, 64′ 74′ ກາຍເປັນປະຕູທີ 6 ຈາກ 6 ນັດໃນການຮັບໃຊ້ທີມຊາດ.

ຂະນະທີ່ ທີມຊາດນໍຣເວຍິງປະຕູ 18 ນັດຕິດຕໍ່ກັນ ເປັນຄັ້ງທຳອິດໃນຮອບ 70 ປີ ຕັ້ງແຕ່ເດືອນພະຈິກ ປີ 1950 ຫາເດືອນສິງຫາ ປີ 1953 ຄັ້ງນັ້ນຍິງ 20 ນັດລວດ.

ກຸ່ມນີ້ ຜ່ານໄປ 3 ນັດ ໂອຕຣິດ ແລະ ນໍຣເວມີ 6 ຄະແນນເທົ່າກັນ, ຣູມານີ້ 4 ຄະແນນ ແລະ ອຽກລັງ ເໜືອ 1 ຄະແນນ. ນັດຕໍ່ໄປ ນໍຣເວຈະພົບກັບ ອຽກລັງເໜືອ ແລະ ຣູມານີ້ ຈະພົບກັບ ໂອຕຣິດ ໃນຄືນວັນທີ 14 ຕຸລານີ້ ເວລາ 01:45.