ມື້ນີ້ເວລາ 15: 00.ໂມງນັດຊີງຊະນະເລີດບານເຕະຄອມມານໂດລາວລີກ 2 ລະຫວ່າງ ກອງທັບ ເອັຟຊີ ພົບ ເອັສທີທີ ເອັຟຊີ
ນັດຊີງຊະນະເລີດບານເຕະຄອມມານໂດລາວລີກ 2 ປະຈຳປີ 2020.ຈັດການແຂ່ງຂັນໃນເວລາ 15:00 ໂມງ ຂອງວັນເສົາ 10 ຕຸລາ ນີ້ ລະຫວ່າງ ກອງທັບ ເອັຟຊີ ພົບ ເອັສທີທີ ເອັຟຊີ ແຂ່ງຂັນທີ່ສະຫນາມຫຍ້າ ທຽມສະຫະພັນບານເຕະແຫ່ງຊາດລາວ ສະຫນາມ 1 (ຫ້ວຍຫົງ) ການແຂ່ງຂັນຂັນບານເຕະ ຄອມມານໂດ ລາວລີກ 2 ເຊິ່ງໄດ້ເປີດການແຂ່ງຂັນແຕ່ວັນທີ 25 ກໍລະກົດ ຜ່ານມານີ້ ມີທີມເຂົ້າຮ່ວມທັງຫມົດ 14 ທີມ ໄດ້ແບ່ງກຸ່ມອອກເປັນ 2 ກຸ່ມ, ກຸ່ມລະ 7 ທີມ. ຮູບແບບ ການແຂ່ງຂັນຮອບແບ່ງກຸ່ມແມ່ນແຂ່ງຂັນ ແບບພົບກັນຫມົດ, ທີມທີ່ໄດ້ອັນດັບ 1 ໃນກຸ່ມແມ່ນໄດ້ຜ່ານເຂົ້າສູ່ຮອບຊີງຊະນະເລີດເຊິ່ງ ກອງທັບ ເອັຟຊີ ໄດ້ອັນດັບ 1 ໃນກຸ່ມເອ ແລະເອັສທີທີ ເອັຟຊີ ໄດ້ອັນດັບ 1 ໃນກຸ່ມບີ.
ທີມຊະນະເລີດຈະ ໄດ້ຮັບຂັນຊະນະເລີດ, ຫລຽນ, ເງິນຈຳນວນ 30.000.000 ກີບ ແລະ ໄດ້ສິດເລື່ອນຊັ້ນເຂົ້າຮ່ວມການແຂ່ງຂັນ ເປບຊີ ລາວລີກ 1 ປະຈຳປີ 2021, ອັນດັບ 2 ໄດ້ຮັບເງິນຈໍານວນ 20.000,000 ກີບ ແລະ ອັນດັບ 3 ໄດ້ຮັບເງິນຈໍານວນ 10.000.000 ກີບ.
