ປີ 2020 ອາດເປັນປີທີ່ຮ້ອນທີ່ສຸດຂອງໂລກ

ລາຍງານຕ່າງປະເທດ ວັນທີ 7 ຕຸລາ ລາຍງານວ່າ: ນັກວິທະຍາສາດດ້ານສະພາບພູມີອາກາດກ່າວເຕືອນວ່າ: ປີ 2020 ອາດເປັນປີທີ່ຮ້ອນທີ່ສຸດຂອງໂລກ, ຫຼັງຈາກທີ່ອຸນຫະພຸມໃນເດືອນກັນຍາ ພຸ່ງສູງກ່ວາລະດັບສູງສຸດກ່ອນໜ້ານີ້, ປະກອບກັບທານນໍ້າແຂງ ອັດລັງຕິກຫົດຕົວຢ່າງຕໍ່ເນື່ອງ.

ໜ່ວຍງານດ້ານດາວທຽມຂອງສະຫະພາບເອີຣົບລະບຸວ່າ ອຸນຫະພູມທົ່ວໂລກຕັ້ງແຕ່ຕົ້ນປີມາເຖິງຕອນນີ້ສະແດງໃຫ້ເຫັນຄວາມຄາດເຄື່ອນເລັກນ້ອຍຈາກປີ 2017 ຊຶ່ງເປັນປີທີ່ຮ້ອນທີ່ສຸດທີ່ມີການຈົດບັນທຶກເອົາໄວ້. ນັກວິໄຈກ່າວເສີມວ່າ ຮູບແບບພູມມີພາກອາກາດເຊັ່ນ ປາກົດການ ລານິນຢາ ໃນມະຫາສະໝຸດປາຊີຟິກ ຊຶ່ງເກີດຂຶ້ນເປັນຄັ້ງທຳອິດໃນຮອບ 8 ປີ, ອາດເປັນປີ ຕົວກຳນົດວ່າ ອຸນຫະພູມປີນີ້ຈະທຳສະຖິຕິສູງທີ່ສຸດເປັນປະຫວັດການ. ໂດຍອຸນຫະພູມ ເດືອນກັນຍາສູງກ່ວາຄາດສະເລ່ຍ 30 ປີຢູ່ທີ່ 0,63 ອົງສາເຊ ໂດຍສະເພາະໃນແຖບໄນເຈເຣຍ ອາກລັງຕິກ ແລະ ຍຸຣົບຕາເວັນອອກສ່ຽງໃຕ້ ທີ່ຮູ້ສຶກໄດ້ເປັນພິເສດເຖິງຜົນກະທົບຈາກໂລກຮ້ອນ.

ຂະນະດຽວກັນ ນໍ້າແຂງໃນທະເລອາກລັງຕິກເກືອບເຖິງລະດັບຕໍ່າສຸດເປັນລະດັບທີສອງໃນເດືອນກັນຍາໂດຍຫຼຸດລົງຢ່າງຕໍ່ເນື່ອງນັບຕັ້ງແຕ່ດາວທຽມເລີ່ມກວດສອບນໍ້າແຂງໃນປີ 1979. ຂະນະທີ່ລະດັບອຸນຫະພູມສູງທີ່ສຸດທີ່ບັນທຶກໄວ້ໃນປີນີ້ໄດ້ແກ່ ອຸນຫະພູມຂອງເດືອນສິງຫາຢູ່ທີ່ 54,4 ອົງສາເຊ ທີ່ອຸທິຍານແຫ່ງຊາດ ເຈດວັນເລ ໃນສະຫະລັດ ແລະ ອາດສູງທີ່ສຸດເທົ່າທີ່ເຄີຍມີການຈົດບັນທຶກເປັນສະຖິຕິມາ.