ສື່ມວນຊົນຈາກບັນດາປະເທດອາຊີ-ອາຊີຕາເວັນອອກ ສຽງໃຕ້ໄປທັດສະນະສຶກສາທີ່ນະຄອນຄຸນໝິງ ສປ ຈີນ

ໃນ ວັນທີ 12-16 ມິຖຸນາ ຜ່ານມາສື່ມວນຊົນ ຈາກບັນດາ ປະເທດອາຊີ-ອາຊີ ຕາເວັນອອກສຽງໃຕ້ຈຳນວນ 60 ກວ່າຄົນ ໄດ້ໄປທັດສະນະສຶກສາ ແລະ ຢ້ຽມຢາມຂົງເຂດເສດຖະກິດ ແລະ ພື້ນຖານການຜະລິດ ລວມ ເຖິງສະຖານທີ່ທ່ອງທ່ຽວສຳຄັນ ໃນນະຄອນຄຸນໝິງ,ແຂວງຢຸນ ນານ, ສປ ຈີນ, ໂດຍໄດ້ໄປຢ້ຽມ ຊົມໜອງຕ່ຽນສື່ ເຊິ່ງເປັນສະຖານທີ່ທ່ອງທ່ຽວທີ່ມີສື່ ສຽງ ຂອງຄຸນຫມິງ ທີ່ພວມໄດ້ຮັບ ການພັດທະນາຢ່າງເປັນລະບົບ ປະກອບດ້ວຍໂຮງແຮມ, ຮ້ານ ສັບພະສິນຄ້າ, ໂຮງຮຽນ, ສວນ ສະນຸກ ແລະ ອື່ນໆ ເພື່ອໃຫ້ບໍລິການແບບຄົບວົງຈອນ ຄາດວ່າ ການກໍ່ສ້າງຈະສຳເລັດ ໃນປີ 2019, ສະຖານທີ່ແຫ່ງດັ່ງກ່າວ, ມີປະຫວັດສາດອັນຍາວນານ ແລະ ຮ່ອງຮອຍເກົ່າແກ່ ຂອງເມືອງຄຸນຫມິງ ທີ່ສະທ້ອນ ໃຫ້ເຫັນເຖິງວິຖີການດຳລົງ ຊີວິດ ແລະ ວັດທະນາທຳອັນດີ ງາມຂອງປະຊາຊົນ. ນອກ ຈາກນີ້, ຍັງໄດ້ໄປຢ້ຽມຢາມອາ ນຸສອນສະຖານຂອງ ທ່ານ ເຈີ້ງ ເຄີຕັ້ງຢູ່ເມືອງຈິ້ງນິງນະຄອນ ຄຸນໝິງ, ເຊິ່ງທ່ານເປັນນັກ ເດີນເຮືອທີ່ຍິ່ງໃຫ່ຍຂອງຈີນ. ເປັນຜູ້ນຳກອງກຳປັ່ນເດີນທາງ ເປັນເວລາ 28 ປີເພື່ອຕິດຕໍ່ຄ້າ ຂາຍຜ້າໄໝກັບຕ່າງປະເທດ ພ້ອມໆກັບການເຜີຍແຜ່ວັດທະ ນາ ທຳຈີນໃຫ້ສາກົນໄດ້ຮັບຮູ້ ແລະ ນຳເອົາວັດທະນາທຳຈາກພາຍ ນອກເຂົ້າມາປະເທດຈີນ. ນອກ ຈາກນີ້ ທ່ານ ເຈີ້ງເຄີຍັງເປັນຜູ້ບຸກ ເບີກເສັ້ນທາງສາຍໄໝທາງທະ ເລ, ທ່ານ ເຈີ້ງເຄີ ເກີດປີ 1371 ແລະ ເສຍ ຊີວິດ ໃນປີ 1435, ອະ ນຸສອນສະຖານແຫ່ງນີ້ສ້າງຂຶ້ນ ເພື່ອລະນຶກເຖິງ ແລະ ສະແດງ ຄວາມຮູ້ບຸນຄຸນ, ເຮັດໃຫ້ຄົນຮຸ້ນ ຫລັງໄດ້ຮັບຮູ້ຄຸນງາມຄວາມດີ ທີ່ທ່ານໄດ້ສ້າງໄວ້.ນອກຈາກນີ້ກໍ ໄດ້ໄປ ຢ້ຽມຢາມກຸ່ມບໍລິສັດຢຸນ ນານໄປ໋ຢ້າວ, ເຂດອຸດສະຫະກຳນະວັດຕະກຳເສີນກົງ ແລະ ຕະ ຫລາດດອກໄມ້ໂຕວນານຢູ່ ເມືອງ ເສີນກົງ.

+ ເພີ່ມຄວາມຮູ້ກ່ຽວກັບພະຍາດເອດໃຫ້ສື່ມວນຊົນ

+ ສສຫວຽດນາມຊ່ວຍຍົກລະດັບ ທັກສະວິເຄາະຂໍ້ມູນຂ່າວສານໃຫ້ສື່ມວນຊົນລາວ

ກຸ່ມບໍລິສັດຢຸນນານໄປ໋ ຢ້າວເປັນບໍລິສັດທີ່ມີຊື່ສຽງດ້ານ ການຜະລິດສິນຄ້າຕ່າງໆດ້ວຍສະ ໜູນໄພພື້ນເມືອງຂອງຈີນ ທີ່ມີຄຸນ ນະພາບສູງ. ໃນຕໍ່ໜ້ານີ້, ບໍລິສັດ ພວມກະກຽມຮ່ວມມືກັບລາວ ເພື່ອ ສ້າງສະຖາບັນຄົ້ນຄວ້າດ້ານການ ຢາຢູ່ລາວແນໃສ່ອຳນວຍຄວາມ ສະດວກດ້ານການປີ່ນປົວ ແລະ ຮັກສາສຸຂະພາບໃຫ້ປະຊາຊົນ.

ສ່ວນເຂດອຸດສະຫະກຳນະວັດຕະ ກຳເສີງກົງສື່ມວນຊົນໄດ້ຮູ້ເຖິງການພັດທະນາດ້ານວິທະຍາສາດຂອງຈີນທີ່ລ້ວນແຕ່ມີບົດບາດສຳຄັນຕໍ່ການພັດທະນາເສດຖະກິດ ກໍຄືການສ້າງວຽກເຮັດງານທຳ ແລະ ຍົກລະດັບຊີວິດການເປັນ ຢູ່ຂອງປະຊາຊົນໃຫ້ດີຂຶ້ນ ແລະ ພ້ອມນີ້ກໍໄດ້ໄປຢ້ຽມຊົມເມືອງ ຊູຈິ້ງ ຢູ່ທາງພາກເໜືອຂອງ ແຂວງຢຸນນານດ້ວຍລົດໄຟ ຄວາມໄວສູງຢ້ຽມຢາມສະໜາມ ກິລາ, ສວນບຣູເບີຣີ ຢູ່ເມືອງ ຈີ້ຫລີນ ແລະ ເມືອງແຫ່ງຄວາມ ຮັກ ຫລື The Town of Love ສະຖານທີ່ທ່ອງທ່ຽວທີ່ສຳຄັນ ເພື່ອນຳໃຊ້ເຂົ້າໃນການຖ່າຍຮູບແຕ່ງງານ ແລະ ຖ່າຍທຳລະ ຄອນຕ່າງໆທີ່ມີມູນຄ່າການກໍ່ ສ້າງຫລາຍກວ່າ 20 ຕື້ຢວນ ພາຍຫລັງການກໍ່ສ້າງສຳເລັດ ສະຖານທີ່ແຫ່ງນີ້ ຈະດຶງດູດນັກ ທ່ອງທ່ຽວໃຫ້ເຂົ້າມາທ່ອງທ່ຽວຫລາຍຂຶ້ນ. ເພາະສະຖານທີ່ແຫ່ງ ນີ້ມີການດຳເນີນທຸລະກິດດ້ານ ການທ່ອງທ່ຽວ, ເຂດບໍ່ນ້ຳຮ້ອນ, ບ່ອນຖ່າຍທຳຮູບເງົາ, ຖ່າຍຮູບ ແຕ່ງງານ, ຮູບຈຳລອງແບບ ເມືອງເອີຣົບ, ສະຖານທີ່ຕີກ໋ອບ ແລະ ອື່ນໆ.