ຄວາມຄືບໜ້າໃນການຜະລິດວັກຊີນໃນໂລກ

ລາຍງານຂ່າວຈາກຕ່າງປະເທດ ວັນທີ 7/10/2020 ໃຫ້ຮູ້ວ່າ: ຫລ້າສຸດອົງການອະນາໄມໂລກລາຍງານວ່າ: ບັນດາປະເທດທົ່ວໂລກອາດຈະໄດ້ຮັບວັກຊີນຕ້ານໂຄວິດ-19 ໃນຊ່ວງປາຍປີໜ້າ, ອາດມີການຫຼ້າຊ້າກ່ວາການຄາດການເອົາໄວ້ກ່ອນໜ້ານີ້ວ່າ ຈະມີການແຈກຈ່າຍວັກຊີນໃນຊ່ວງກາງປີໜ້າ. ທ່ານ ຊູໂຄໂຣ ເອັສຄາເລັນເຕ ຜູ້ປະສານງານປະຈຳພາກພື້ນປາຊີຟິກ ຕາເວັນຕົກຂອງອົງການອະນາໄມໂລກບອກວ່າ: ປະເທດທີ່ເຂົ້າຮ່ວມໂຄງການ ໂຄແວັກ ຂອງອົງການອະນາໄມໂລກຊຶ່ງເປັນໂຄງການຈ່າຍວັກຊີນຕ້ານໂຄວິດ-19 ໃຫ້ແກ່ປະເທດສະມາຊິກ ແຕ່ບໍ່ທັນສາມາດໄດ້ຮັບວັກຊີນດັ່ງກ່າວເປັນເວລາກ່ວາອີກ 1 ປີນັບຈາກນີ້ເປັນຕົ້ນໄປ. ເມື່ອພິຈາລະນາເບິ່ງຄວາມຄືບໜ້າໃນການພັດທະນາວັກຊີນໃນປັດຈຸບັນແລ້ວເຫັນວ່າໄດ້ສົ່ງຜົນໃຫ້ມີການເລື່ອນເປົ້າໝາຍກຳນົດເວລາ. ສຳລັບໂຄງການ ໂຄແວັກ ໃນການຮັບວັກຊີນຈຳນວນ 2000 ລ້ານໂດສ ອອກໄປເປັນປາຍປີໜ້າ. ທ່ານ ເອັສຄາເລັນເຕ ບອກວ່າ: ປັດຈຸບັນມີວັກຊີນຕ້ານໂຄວິດ-19 ຈຳນວນ193 ຕົວທີ່ກຳລັງຢູ່ໃນການທົດລອງ, ຂະນະທີ່ 10 ຕົວຢູ່ໃນຊ່ວງໄລຍະການທົດລອງໃນໄລຍະທີ 3. ແຕ່ວ່າແນວໃດກໍຕາມທ່ານ ເອັສຄາເລັນເຕ ບອກວ່າ ຂະນະນີ້ ຈີນ ແລະ ລັດເຊຍໄດ້ທຳການທົດລອງວັດຊີນຕ້ານໂຄວິດ-19 ຂອງຕົນເອງເຊັ່ນກັນ. ຊຶ່ງຖ້າຫາກປະສົບຄວາມສຳເລັດກໍອາດຈະເຮັດໃຫ້ມີວັກຊີນທາງເສດຖະກິດອອກສູ່ຕະຫຼາດໃນເວລາທີ່ໄວຂຶ້ນ.