ສຶກສາແຂວງສະຫວັນນະເຂດ ສະເໜີໃຫ້ມີການແກ້ໄຂສະພາບຄູອາສາໃຫ້ໄດ້ເຂົ້າເປັນລັດຖະກອນ
October 7, 2020 - 9:16 AM
ພາບປະກອບ
ໃນໂອກາດຮ່ວມກັບທ່ານ ວຽງທະວີສອນ ເທບພະຈັນ ກຳມະການປະຈຳພັກແຂວງສະຫວັນນະເຂດ, ຜູ້ຊີ້ນຳວຽກງານວັດທະນາທຳ-ສັງຄົມຂອງແຂວງລົງເຮັດວຽກ ແລະ ພົບປະອຳນາດການປົກຄອງເມືອງໄຊພູທອງ ແລະ ເມືອງສອງຄອນ ເມື່ອວັນທີ 30 ກັນຍາຜ່ານມານີ້, ທ່ານ ຫົວໜ້າພະແນກສຶກສາທິການ ແລະ ກິລາແຂວງ ໄດ້ຂຶ້ນມີຄຳເຫັນແລກປ່ຽນບົດຮຽນກ່ຽວກັບບັນຫາຕ່າງໆ, ໂດຍສະເພາະແມ່ນວຽກງານສຶກສາ, ເຊິ່ງໃນນນັ້ນບັນຫາຮີບດ່ວນຂອງຂະແໜງການສຶກສາແມ່ນຕ້ອງໄດ້ມີນະໂຍບາຍແກ້ໄຂບັນຫາຄູອາສາຜູ້ເຮັດວຽກເສຍສະຫລະຕົນເອງປະກອບສ່ວນເຂົ້າໃນວຽກງານສຶກສາມາຫລາຍປີແລ້ວນັ້ນໃຫ້ເຂົາເຈົ້າໄດ້ເຂົ້າເປັນລັດຖະກອນ ເພື່ອມີເງິນເດືອນລ້ຽງຕົນເອງ, ຄອບຄົວ ແລະ ໃຫ້ໄດ້ຮັບນະໂຍບາຍຕ່າງໆດ້ານສະຫວັດດີການສັງຄົມໃຫ້ທົ່ວເຖິງ.
ພາບປະກອບ
ພ້ອມນັ້ນກໍແມ່ນນະໂຍບາຍສົ່ງເສີມໃຫ້ລູກຫລານຜູ້ທຸກຍາກຂາດເຂີນ, ຜູ້ດ້ອຍໂອກາດໃນເຂດຊົນນະບົດຫ່າງໄກສອກຫລີກໄດ້ເຂົ້າສຶກສາຮ່ຳຮຽນຢ່າງທົ່ວເຖິງ.
