ຄະນະຜູ້ຊ່ຽວຊານວິພາກວິຈານ ໂດນັລທຣຳ ອອກຈາກໂຮງໝໍມາທັກທາຍ ມວນຊົນທີ່ມາລໍໃຫ້ຄວາມສະໜັບສະໜູນ
October 6, 2020 - 4:22 PM
ປະທານາທິບໍດີ ໂດນັລທຣຳ ຖືກຜູ້ຊ່ຽວຊານ ດ້ານການແພດຂອງສະຫະລັດ ວິພາກວິຈານຢ່າງໜັກ, ຫຼັງປະທານາທິບໍດີ ທຣຳ ຂຶ້ນລົດອອກຈາກສູນການແພດທະຫານແຫ່ງຊາດ ບໍເຕີວີດ ເພື່ອທັກທາຍປະຊາຊົນກຸ່ມຜູ້ສະໜັບສະໜູນ ມື້ວັນອາທິດ ຫຼັງເຂົ້າຮັກສາການປິ່ນປົວຈາກ ພະຍາດໂຄວິດ-19 .
ກ່ອນໜ້ານີ້ ປະທານາທິບໍດີ ທຣຳ ທະວິດວີດີໂອສັ້ນໆ ສະແດງຄວາມຂອບໃຈຕໍ່ທິມແພດ ແລະ ຜູ້ສະໜັບສະໜູນ ແລະ ໃຫ້ຄຳໝັ້ນວ່າ: ຍັງຈະມີ ເຊີໄພຣ ຕື່ມອີກ.
ຫຼັງຈາກນັ້ນ ບໍ່ດົນປະທານາທິບໍດີ ໂດນັລທຣຳ ກໍອອກຈາກຫ້ອງປິ່ນປົວ ອອກໄປຂ້າງນອກເພື່ອໂບກມືໃຫ້ກັບຜູ້ສະໜັບສະໜູນຈາກຫ້ອງໂດຍສານທາງລົດ.
