ແມນ ຢູໄນເຕັດ ທີມທຳອິດທີ່ຄວ້າໄຊຊະນະໃນພຣີເມຍລີກຄົບ 600 ນັດ
March 20, 2017 - 4:55 PM
ແມນເຊສເຕີ ຢູໄນເຕັດ ກາຍ ເປັນສະໂມສອນທຳອິດທີ່ເກັບໄຊຊະນະໃນພຣີເມຍລີກ ອັງກິດ ຄົບ 600 ນັດ ຫລັງບຸກໄປ ເອົາຊະນະ ມິດເດິນສະໂບ 3-1 ທີ່ສະໜາມ ຣິເວີໄຊ ສະເຕດ້ຽມ ໃນວັນອາ ທິດຜ່ານມາ ໂດຍໄດ້ປະຕູຈາກ ມາຣູຢານ ເຟລໄລນີ, ເຈສຊີ ລິນ ກາດ ແລະ ອັນໂຕນິໂອ ວາເລນ ເຊຍ.
ແມນ ຢູໄນເຕັດ ເກັບໄຊໃນ ພຣີເມຍລີກໄປແລ້ວ 600 ນັດ ສະເໝີ 204 ນັດ ແລະ ເສຍ 147 ນັດ ລວມແລ້ວເຮັດໄປໄດ້ 2,004 ຄະແນນ ນັບຕັ້ງແຕ່ທີ່ລີກສູງສຸດ ເມືອງອັງກິດ ປ່ຽນຈາກ ດິວິຊັ່ນ 1 ມາເປັນ ພຣີເມຍລີກ ຕັ້ງແຕ່ລະດູ ການ 1992-93 ເປັນຕົ້ນມາ.
ຂະນະທີ່ ອາເຊນອລ ເປັນ ທີມທີ່ເກັບໄຊຊະນະໄດ້ຫລາຍສຸດ ເປັນອັນດັບ 2 ທີ່ 517 ເກມ ຕາມ ດ້ວຍ ເຊລຊີ 508 ເກມ ຂະນະທີ່ ລິເວີພູລ ຢູ່ອັນດັບ 4 ຊະນະໄປ ແລ້ວ 472 ເກມ.
