ໂດນັລທຣຳ ແລະ ໂຈໄບເດັນ ໂຕ້ວາທີກັນເປັນຄັ້ງທຳອິດເພື່ອວາງວີໄສທັດຊິງເຂົ້ານັ່ງເກົ້າອີ້ປະທານາທິບໍດີ ສະຫະລັດ

ລາຍງານຂ່າວຈາກຕ່າງປະເທດ ເມື່ອເຊົ້າວັນທີ 1 ຕຸລານີ້ ລາຍງານວ່າ: ຜົນສຳຫຼວດຄຳເຫັນຂອງປະຊາຊົນໃນສະຫະລັດ ທີ່ຮັບຟັງການສະ

ແດງວິໄສທັດ ຫຼື ການໂຕ້ວາທີຄັ້ງທີໜຶ່ງລະຫວ່າງປະທານາທິບໍດີ ໂດນັລທຣຳ ຈາກພັກ ຣີພັບຣິກັນ ແລະ ທ່ານ ໂຈໄບເດັນຕົວແທນຈາກພັກ ເດໂມແຄຣດ ທາງສະຖານີໂທລະທັດ CNN ພົບວ່າ: 6 ໃນ 10 ຂອງຜູ້ຮັບຟັງການໂຕ້ວາທີ ເຫັນວ່າ ທ່ານ ໄບເດັນອະພິປາຍໄດ້ດີທີ່ສຸດ ແລະ ພຽງ 28% ເທົ່ານັ້ນທີ່ວ່າ ທຣຳ ອະພິປາຍໄດ້ດີທີ່ສຸດ.

ຂະນະທີ່ຜົນສຳຫຼວດ ຍັງລະບຸອີກວ່າ: ປະມານ 2 ໃນ 3 ຂອງຜູ້ ຊົມການໂຕ້ວາທີຄັ້ງນີ້ ເບິ່ງພາບລວມການຕອບຄຳຖາມຂອງທ່ານ ໄບເດັນ ມີຄວາມເຊື່ອຖືຫຼາຍກ່ວາປະທານາທິບໍດີ ທຣຳ ແລະ ການເວົ້າໂຈມຕີຂອງທ່ານໄບເດັນທີ່ມີຕໍ່ປະທານາທິບໍດີ ທຣຳ ຜູ້ຟັງສ່ວນໃຫຍ່ເຫັນວ່າມີຄວາມຍຸຕິທຳ.