All New HONDA CITY ມາພ້ອມກັບຄວາມຫລູຫລາ ມີວາງຈຳໜ່າຍຢູ່ລາວແລ້ວ
ໃນວັນທີ 29 ກັນຍານີ້, ບໍລິສັດ ນິວຈິບເຊັງ ຈຳກັດ ໄດ້ເປີດຕົວລົດ All New HONDA CITY ຂຶ້ນ ຢູ່ບໍລິສັດດັ່ງກ່າວ ທີ່ນະຄອນຫລວງວຽງຈັນ ເຊິ່ງເປັນປາກົດການຄັ້ງໃໝ່ທີ່ຈະປ່ຽນທຸກມາດຕະຖານຂອງລົດ CITY CAR ໃນປະເທດເຮົາໃຫ້ກ້າວໄປອີກຂັ້ນໜຶ່ງກັບລົດ All new HONDA CITY.
HONDA CITY ຈາກ Generation ເປັນຄັ້ງທຳອິດທີ່ໄດ້ເປີດໂຕໃນລາວ ອັນໄດ້ເປັນປາກົດການຄັ້ງໃໝ່ໃຫ້ກັບຕະຫລາດລົດຍົນນະວັດຕະກຳໃໝ່ຢູ່ປະເທດເຮົາ ເຊິ່ງລົດດັ່ງກ່າວໄດ້ຮັບການພັດທະນາໃຫ້ດີຂຶ້ນຕາມລຳດັບ ທັງໃນດ້ານຮູບຊົງຂອງໂຕລົດ, ເຕັກໂນໂລຊີຄວາມປອດໄພ ແລະ ຄວາມສະດວກຕ່າງໆຂອງການຂັບຂີ່ທີ່ສາມາດຕອບສະໜອງຄວາມຕ້ອງການຂອງລູກຄ້າໄດ້ເປັນຢ່າງດີ.
All new Honda City ຈະມາປ່ຽນທຸກແນວຄວາມຄິດ ເພື່ອພັດທະນາຂຶ້ນມາໃຫ້ມີຄວາມຫລູຫລາສະຫງ່າງາມ ທັງພາຍໃນ ແລະ ພາຍນອກ ດ້ວຍຟັງຊັ້ນ ແລະ ອຸປະກອນທີ່ທັນສະໄໝຢ່າງຄົບຊຸດທີ່ມາພ້ອມກັບລະບົບເຕັກໂນໂລຊີຂອງ Honda Connected ແລະ ທັງໝົດນີ້ຄືມາດຕະຖານ ແລະ ຄຸນຄ່າໃໝ່ຂອງ All New Honda City ຈະມາເປີດທຸກຄວາມເປັນໄປໄດ້ໃຫ້ໄກກວ່າທຸກຄວາມຄາດໝາຍ ເພາະທ່ານ “Like at the First Sight”.
ນອກນີ້ ຍັງມີໂປຣໂມຊັນຫລາກຫລາຍສຳລັບທ່ານໃດທີ່ຈອງລົດໃນງານເປີດໂຕລົດໃໝ່ໃນມື້ນີ້ຈະໄດ້ຮັບປະກັນໄພຊັ້ນ 1 ຮອບດ້ານ, ຕິດຟີມລົດ, ເຕີມນ້ຳມັນ 300.000 ກີບ, ເສື້ອຮອນດ້າ ຊິຕີ້ ລິມິເຕັດ, ຜ້າຢາງຮອງພື້ນ, ຄັນຮົ່ມກັນແສງຂອງຮອນດ້າ, ຮັບປະກັນ 3 ປີ ຫລື 100.000 ກິໂລແມັດ, ຟຣີຄ່າແຮງງານກວດເຊັກລົດໃນໄລຍະ 3 ປີ. ພ້ອມສ່ວນຫລຸດພິເສດໃນລາຄາ 23.900 ໂດລາສະຫະລັດ, ຈ່າຍກ່ອນພຽງ 20% ຜ່ອນຍາວ 7 ປີ ດອກເບ້ຍຕໍ່າສຸດ 0,50% ແລະ ຟຣີຄ່າທຳນຽມອື່ນໆອີກ.
