ລາວກຽມສຳຫລວດອັດຕາການຕິດເຊື້ອເຮສໄອວີໃນກຸ່ມສ່ຽງ

ໃນວັນທີ 29 ກັນຍານີ້ ທີ່ແຂວງວຽງຈັນ, ສູນຕ້ານເອດ ແລະ ພະຍາດຕິດຕໍ່ທາງເພດສຳພັນ ກະຊວງສາທາລະນະສຸກ ໂດຍການສະໜັບສະໜູນຈາກກອງທຶນໂລກຕ້ານເອດ ໄດ້ຈັດກອງປະຊຸມກຽມຄວາມພ້ອມໃນການສຳຫລວດອັດຕາການຕິດເຊື້ອ ເຮສໄອວີ ໃນກຸ່ມສ່ຽງ (ສາວບໍລິການ) ​ໂດຍ​ສະ​ເພາະ​ການ​ກະກຽມຄວາມພ້ອມທາງດ້ານວິຊາການ, ແຜນງານການສຳຫລວດ, ວິທີການ ແລະ ອຸປະກອນທີ່ຈຳ​ເປັນ ​ເພື່ອນຳໃຊ້ເຂົ້າໃນການສຳຫລວດ, ພ້ອມ​ນັ້ນ ກໍ​ແມ່ນດ້ານບຸກຄະລາກອນການແພດ, ນັກສຳພາດ, ນັກວິເຄາະຂອງບັນດາແຂວງທີ່ຈະເຮັດການສຳຫລວດ ​ແລະ ຂໍການສະໜັບສະໜູນຈາກເຈົ້າຂອງຫ້າງຮ້ານກິນດື່ມ, ຮ້ານອາຫານ, ບັນເທີງ ເພື່ອອຳນວຍສະດວກ ແລະ ປະກອບສ່ວນໃນການສຳຫລວດຄັ້ງນີ້ໃຫ້ດຳເນີນໄປຕາມແຜນການ.