ປະເທດໃດເສຍຊີວິດຈາກໂຄວິດ-19 ຫລາຍທີ່ສຸດ ຫລັງຈຳນວນສະສົມສູງເກີນ 1 ລ້ານຄົນທົ່ວໂລກ
September 29, 2020 - 10:25 AM
ນີ້ຄືພາບລວມຈຳນວນຜູ້ເສຍຊີວິດຈາກໂຄວິດ-19 ທົ່ວໂລກທີ່ເພີ່ມສູງຂຶ້ນເກີນ 1 ລ້ານຄົນແລ້ວ ຫລັງການແຜ່ລະບາດຜ່ານມາເຖິງ 9 ເດືອນ. ນອກຈາກອາເມລິກາຈະເປັນປະເທດທີ່ມີຜູ້ຕິດເຊື້ອສະສົມຫລາຍທີ່ສຸດໃນໂລກແລ້ວ (ປະມານ 7,1 ແສນຄົນ) ຍັງເປັນປະເທດທີ່ມີຈຳນວນຜູ້ເສຍຊີວິດຈາກໂຄວິດ-19 ຫລາຍທີ່ສຸດນຳອີກ (ປະມານ 2 ແສນຄົນ), ຖັດມາແມ່ນເບຣຊິນ (ປະມານ 1,4 ແສນຄົນ) ແລະ ອິນເດຍ (ປະມານ 9,5 ໝື່ນຄົນ).
ຂະນະທີ່ປະເທດທີ່ພົບຜູ້ຕິດເຊື້ອຈາກການລະບາດຂອງໂຄວິດ-19 ແຕ່ຍັງບໍ່ມີລາຍງານຜູ້ເສຍຊີວິດ ໄດ້ແກ່ ເອຣິເທຣຍ, ມອງໂກເລຍ, ກຳປູເຈຍ, ພູຖານ, ເຊເຊລ, ເຊນວິນເຊນ ແລະ ເກຣນາດີນ, ໂດມິນິກາ, ເຊນລູເຊຍ, ຕິມໍເລສເຕ, ເກຣນາດາ, ລາວ, ເຊນຄິດ ແລະ ເນວິສ ລວມທັງເຂດປົກຄອງພິເສດມາເກົາ.
