ລີດແມນ ຄວ້າແຊ໊ມກ໊ອຟ ອາໂນລ

ການແຂ່ງຂັນກ໊ອຟ ພີຈີເອ ທົວ ລາຍການ ອາໂນລ ພາລເມີ ອິນວິເຕຊັນແນລ ພຣີເຊັນເທັກ ບາຍມາສເຕີ ຊີງເງິນລາງວັນ ລວມ 8,7 ລ້ານໂດລາ ສະຫະລັດ ທີ່ສະໜາມເບຮິລ ຄັບ ແອນ ລອດ ໄລຍະ 7,381 ແມັດ ພາ 72 ໃນ ເມືອງອໍແລນໂດ ລັດຟໍຣິດາ ສະ ຫະລັດ ອາເມຣິກາ ຫລັງຈົບຮອບ ສຸດທ້າຍ ມາກ ລີດແມນ ຈາກ ອອສເຕຣເລຍ  ເຮັດພັດສຳຄັນທີ່ ຂຸມ 16 ພາ 5 ເມື່ອຕີອີເກິລລົງໄປ ຢ່າງງົດງາມ ກ່ອນຈົບທີ່ມີເພີ່ມ 3 ອັນເດີພາ 69 ຄະແນນ ລວມ 11 ອັນເດີພາ 277 ຄະແນນ ຄວ້າ ແຊ໊ມພີຈີເອທົວ ໄປຄອງເປັນລາຍ ການທີ 2 ໃນຊີວິດ ແລະ ໄດ້ໄປ ຫລິ້ນໃນເດີ ມາສເຕີ ລະຫວ່າງ ວັນທີ 6-9 ເມາສນີ້.

ດ້ານ ຊາລີ ຮອຟແມນ ແລະ ເຄວິນ ຄິສເນີ 2 ນັກກ໊ອຟຈາກ ອາເມຣິກາ ຜູ້ນຳຮ່ວມຮອບ ຜ່ານມາ ເຮັດໄດ້ພຽງ 1 ໂອເວີ ພາ 73 ຄະແນນ ເຫລືອ 10 ອັນ ເດີພາ 278 ຄະແນນ ຕົກມາຢູ່ອັນ ດັບ 2 ສ່ວນ ຣໍຣີ ແມັກອິລຣອຍ ຈາກ ໄອແລນເໜືອ ຕີເພີ່ມ 3 ອັນ ເດີພາ 69 ຄະແນນ ລວມ 9 ອັນ ເດີພາ 279 ຄະແນນ ຂຶ້ນມາຈົບ ອັນດັບ 4 ພ້ອມກັບຍ້າຍຈາກອັບ ດັບ 3 ຂຶ້ນໄປເປັນມືວາງອັນດັບ 2 ຂອງໂລກແທນທີ່ ເຈສັນ ເດ ຈາກ ອອສເຕຣເລຍ ທີ່ຈົບອັນດັບ 23 ຮ່ວມ ດ້ວຍຄະແນນລວມ 2 ອັນເດີພາ 286 ຄະແນນ.