ວັກຊີນຕ້ານໂຄວິດ-19 Johnson & Johnson ແລະ Novavax ເລື່ອນເຂົ້າສູ່ການທົດສອບໄລຍະທີ 3 ໄລຍະສຸດທ້າຍກ່ອນຂໍນຳໃຊ້ຕົວຈິງ
ວັນທີ 24 ກັນຍາ, ຄວາມຄືບໜ້າຫລ້າສຸດໃນວົງການວັກຊີນຕ້ານໂຄວິດ-19 ຜູ້ຜະລິດ ແລະ ພັດທະນາວັກຊີນອີກ 2 ບໍລິສັດຍັກໃຫຍ່ຄື Johnson & Johnson ແລະ Novavax ເລື່ອນການທົດສອບວັກຊີນໃນມະນຸດເຂົ້າສູ່ Gal ທີ 3 ແລ້ວ ເຊິ່ງເປັນໄລຍະສຸດທ້າຍກ່ອນຈະຂໍອະນຸມັດນຳໃຊ້ຕົວຈິງ ຖ້າວັກຊີນປະສົບຜົນສຳເລັດ ທັງໃນທາງປະສິດທິພາບ ແລະ ຄວາມປອດໄພ ສົ່ງຜົນໃຫ້ປັດຈຸບັນມີວັກຊີນຕ້ານໂຄວິດ-19 ທີ່ທົດສອບຢູ່ອາເມລິກາທີ່ຢູ່ໃນໄລຍະ 3 ເຖິງ 5 ຊະນິດ ບໍ່ວ່າຈະເປັນ Moderna, Pfizer-BioNTech, AstraZeneca-Oxford, Johnson & Johnson ແລະ Novavax.
ນອກຈາກນີ້ ຍັງມີວັກຊີນຕ້ານໂຄວິດ-19 ອີກ 6 ຊະນິດທົ່ວໂລກ (ລວມ 11 ຊະນິດ) ທີ່ຢູ່ໃນການທົດສອບໄລຍະ 3 ໄດ້ແກ່ CanSinoBIO, Sputnik (Gamaleya), Sinovac, Sinopharm-Wuhan Institute, Sinopharm-Beijing Insititute ແລະ Murdoch ເຊິ່ງຍັງບໍ່ມີວັກຊີນຊະນິດໃດທີ່ໄດ້ຮັບການອະນຸມັດນຳໃຊ້ຢ່າງແຜ່ຫລາຍໃນໄລຍະເວລານີ້.
ໂດຍ Johnson & Johnson ກຽມຂະຫຍາຍກຸ່ມອາສາສະໝັກເປັນ 60.000 ຄົນໃນການທົດສອບໄລຍະສຸດທ້າຍນີ້. ຄາດວ່າຈະຂໍອະນຸມັດການນຳໃຊ້ຈາກອົງການອາຫານ ແລະ ຢາ (FDA) ຂອງອາເມລິກາ ໄດ້ໃນຕົ້ນປີ 2021 ກ່ອນຈະຕັ້ງເປົ້າຜະລິດວັກຊີນປີລະ 1 ພັນລ້ານໂດສ. ຂະນະທີ່ Novavax ໄດ້ເລີ່ມທົດສອບວັກຊີນກັບອາສາສະໝັກ 10.000 ຄົນຢູ່ສະຫະຣາຊະອານາຈັກແລ້ວ ຄາດວ່າຈະຂະຫຍາຍກຸ່ມອາສາສະໝັກເພີ່ມອີກຢູ່ອາເມລິກາໃນເດືອນຕຸລານີ້.
