ການແຂ່ງຂັນເຕັນນິສ ເອທີ ພີທົວ ລາຍການ “ບີເອັນພີ ພາຣິ ໂບສ ໂອເພນ” ທີ່ອິນດຽນເວລ ປະເທດສະຫະລັດ ອາເມຣິກາ ເປັນການແຂ່ງຂັນໃນຮອບຊີງຊະນະເລີດ ປະເພດຊາຍດ່ຽວລະ ຫວ່າງ ໂຣເຈີ ເຟເດີເຣີ ອະດີດ ແຊ໊ມເກົ່າ 4 ສະໄໝຊາວ ສະວິດ ເຊີແລນ ມືວາງອັນດັບ 10 ຂອງ ລາຍການພົບກັບ ສະແຕນ ວາວ ຣິນກາ ມືວາງອັນດັບ 3 ຂອງ ລາຍການຈາກຊາດດຽວກັນ. ຜົນປາກົດວ່າ ເຟເດີເຣີ ສະແດງ ຜົນງານໄດ້ຢ່າງດີເດັ່ນຕີເອົາຊະ ນະຮຸ່ນນ້ອງຮ່ວມຊາດໄປໄດ້ 2-0 ເຊັດ 6-4, 7-5. ໃຊ້ເວລາ 1 ຊົ່ວໂມງ 21 ນາທີ ຄວ້າແຊ໊ມ ລາຍການນີ້ໄປຄອງເປັນສະໄໝທີ 5 ໃນຊີວິດ ຫລັງເຄີຍຄວ້າ ແຊ໊ມມາຄອງໄດ້ໃນປີ 2004, 2005, 2006 ແລະ 2012. ສົ່ງ ຜົນໃຫ້ ເຟເດີເຣີ ຄວ້າແຊ໊ມໄປ ແລ້ວ 90 ລາຍການໃນອາຊີບ ແລະ ເປັນແຊ໊ມລະດັບມາສເຕີຄັ້ງ ທີ 25 ໂດຍປີນີ້ລາວເອງຄວ້າ ແຊ໊ມລາຍການໃຫຍ່ໄປແລ້ວ 2 ລາຍການໄດ້ແກ່ ແກຣນສະແລມ ອອສເຕຣເລຍ ໂອເພນ ລວມເຖິງ ມາສເຕີ ຊີຣີສ ໃບທຳອິດໃນປີນີ້ ພ້ອມກັບກຽມຍ້າຍອັນດັບຂຶ້ນໄປຢູ່ທີ່ 6 ຂອງເອທີພີ ຫລັງເລີ່ມຕົ້ນປີ 2017 ດ້ວຍການຢູ່ອັນດັບ 17 ຂອງໂລກ ຫລັງຕ້ອງພັກຟື້ນຈາກ ອາການບາດເຈັບຕ້ອງພາດລົງ ສະໜາມດົນເຖິງ 6 ເດືອນ.
ສ່ວນໃນປະເພດຍິງດ່ຽວ ຮອບຊີງຊະນະເລີດ ອີເລນາ ເວສ ນິນາ ມືວາງອັນດັບ 14 ຂອງ ລາຍການຊາວ ຣັດເຊຍ ເອົາຊະ ນະ ສະເວດລານາ ຄຸດເນດໂຊວາ ມືວາງອັນດັບ 8 ຂອງລາຍການ ຈາກຊາດດຽວກັນ 2-1 ເຊັດ 6-7, 7-5 ແລະ 6-4. ໃຊ້ເວລາ ດົນເຖິງ 3 ຊົ່ວໂມງ 5 ນາທີ ຄວ້າ ແຊ໊ມລາຍການນີ້ໄປຄອງເປັນສະໄໝທຳອິດ.
