ສະຫລຸບບັນຫາໜ້າສົນໃຈທົ່ວໂລກ ວັນທີ 17 ກັນຍາ 2020
- ສູນຄວບຄຸມ ແລະ ປ້ອງກັນພະຍາດລະບາດຂອງອາເມລິກາ (CDC) ໄດ້ເປີດເຜີຍລາຍລະອຽດຂອງແຜນການທີ່ຈະໃຊ້ຊາວອາເມລິກາທຸກຄົນໄດ້ຮັບວັກຊີນ COVID-19 ຟຣີ ເມື່ອພ້ອມໃຫ້ບໍລິການ ໂດຍແຜນດັ່ງກ່າວຄາດວ່າວັກຊີນຈະມີຢູ່ຢ່າງຈຳກັດໃນໄລຍະເລີ່ມຕົ້ນ. ດັ່ງນັ້ນ ຈຶ່ງຄວນນຳໄປແຈກຢາຍໃຫ້ຜູ້ທີ່ຈຳເປັນແທ້ໆກ່ອນ.
ຂະນະດຽວກັນ, ປະທານາທິບໍດີ ໂດນັລ ທຣຳ ກຳລັງຊັກຊວນໃຫ້ພວກເຂົາແຈກຢາຍວັກຊີນໃນມໍ່ໆນີ້, ແຕ່ແຜນການທີ່ CDC ວາງແຜນໄວ້ນັ້ນຈະດົນນານກວ່າ ໂດຍຄາດວ່າຈະເປັນໄລຍະເວລາຫລາຍເດືອນຕໍ່ຈາກນີ້.
- Eli Lilly ບໍລິສັດດ້ານການຢາໄດ້ລາຍງານການປິ່ນປົວ COVID-19 ເຊິ່ງສາມາດຫລຸດຈຳນວນຜູ້ຕິດເຊື້ອທີ່ຕ້ອງເຂົ້າຮັບການປິ່ນປົວຢູ່ໂຮງໝໍລົງຈາກ 6% ເຫລືອ 1,7% ເມື່ອໄດ້ຮັບວັກຊີນບໍ່ດົນຫລັງຈາກການບົ່ງມະຕິພະຍາດ.
ການປິ່ນປົວດັ່ງກ່າວໃຊ້ວິທີທີ່ເອີ້ນວ່າ monoclonal antibodies (ຮຽນແບບພູມຄຸ້ມກັນຂອງຮ່າງກາຍ) ເຖິງວ່າຈະໃຫ້ຜົນທີ່ໜ້າພໍໃຈ ແຕ່ຂະບວນການຍັງສັບຊ້ອນ ແລະ ການທົດລອງໄດ້ດຳເນີນກັບຜູ້ຕິດເຊື້ອພຽງ 452 ຄົນ.
- FED ກ່າວວ່າ ພວກເຂົາຈະບໍ່ຂຶ້ນອັດຕາດອກເບ້ຍຈົນກວ່າອັດຕາເງິນເຟີ້ຈະສູງກວ່າ 2% “ໃນໄລຍະເວລາໜຶ່ງ” ເຊິ່ງສິ່ງນີ້ຊີ້ໃຫ້ເຫັນວ່າ ອັດຕາດອກເບ້ຍມີທ່າອ່ຽງຈະຢູ່ລະດັບຕໍ່າສຸດໄປຈົນຮອດປີ 2023 ແລະ ຄາດວ່າການວ່າງງານຢູ່ອາເມລິກາຈະຫລຸດລົງເຫລືອ 7,6% ພາຍໃນປີນີ້. ຂະນະທີ່ ຄາດຄະເນກ່ອນໜ້ານີ້ຄື 9,3% ແລະ ອັດຕາປັດຈຸບັນຄື 8,4%.
- ຄະນະກຳມະການສະພາການຂົນສົ່ງ ແລະ ໂຄງສ້າງພື້ນຖານຂອງອາເມລິກາ ໄດ້ອອກລາຍງານຂັ້ນສຸດທ້າຍກ່ຽວກັບເຮືອບິນລຸ້ນ 737 MAX ຂອງບໍລິສັດ Boeing ເຊິ່ງເຮືອບິນລຸ້ນນີ້ 2 ລຳເຄີຍເກີດອຸປະຕິເຫດເຮືອບິນຕົກໃນປີ 2018 ແລະ 2019. ລາຍງານດັ່ງກ່າວລະບຸເຖິງຂໍ້ສັນນິຖານທາງເຕັກນິກທີ່ຜິດພາດ ໂດຍວິສະວະກຳຂອງ Boeing ລວມທັງການຂາດຄວາມໂປ່ງໃສຂອງຜູ້ບໍລິຫານ ແລະ ການເບິ່ງແຍງທີ່ບໍ່ພຽງພໍຂອງກອງອຳນວຍການກາງດ້ານການບິນ (Federal Aviation Administration).
- ການຄາດຄະເນຫລ້າສຸດສຳລັບການເຕີບໃຫຍ່ທົ່ວໂລກຈາກ OECD ສະແດງໃຫ້ເຫັນວ່າ ການຕົກຕໍ່າຂອງເສດຖະກິດຈະບໍ່ຮຸນແຮງແບບທີ່ເຄີຍກັງວົນມາກ່ອນ ໂດຍພວກເຂົາປັບເພີ່ມຄາດຄະເນວ່າເສດຖະກິດໂລກຈະຫລຸດລົງ 4,5% ໃນປີນີ້ ເຊິ່ງຕໍ່າກວ່າຄາດຄະເນເກົ່າ -6%.
ມຸມມອງທີ່ດີຂຶ້ນນີ້ ເປັນຜົນມາຈາກການຟື້ນຕົວໃນຕະຫລາດແຮງງານຂອງອາເມລິກາ ແລະ ຂໍ້ມູນເສດຖະກິດຂອງຈີນ. ແຕ່ເຖິງຢ່າງໃດກໍຕາມ, ລາຍງານລະບຸວ່າ ການຟື້ນຕົວຈະຕ້ອງໄດ້ຮັບການສະໜັບສະໜູນຈາກລັດຖະບານ ແລະ ທະນາຄານກາງອີກໄລຍະໜຶ່ງ.
- ເກນມາດຕະຖານຂອງຕະຫລາດຫຸ້ນທົ່ວໂລກກຳລັງເພີ່ມສູງຂຶ້ນອີກ ເນື່ອງຈາກນັກລົງທຶນກຳລັງເຊື່ອໝັ້ນວ່າ FED ຈະຮັກສານະໂຍບາຍຕ່າງໆໄວ້ຢ່າງໝັ້ນຄົງ ແລະ ອາດໄດ້ຮັບແຮງໜຸນຈາກການຄາດຄະເນວັກຊີນໃນແງ່ດີ.
ວັນທີ 16 ກັນຍາຜ່ານມາ ດັດຊະນີ MSCI Asia Pacific ເພີ່ມຂຶ້ນ 0,5% ໃນຂະນະທີ່ ດັດຊະນີ Topix ຂອງຍີ່ປຸ່ນປິດສູງຂຶ້ນ 0,2% ແລະ ຢູ່ເອີຣົບ ດັດຊະນີ Stoxx 600 ໄດ້ເພີ່ມຂຶ້ນ 0,5% ໃນເວລາ 05:50 ໂມງ ໂດຍ Trader ກຳລັງນິຍົມຊື້ຫຸ້ນແບບວັກຕະຈັກ (cyclical stocks) ແລະ ຫລັງຈາກລາຍງານ OECD ອອກມາດີຂຶ້ນ ດັດຊະນີ S&P 500 Futures ກໍເປີດຕະຫລາດສູງຂຶ້ນ ຂະນະທີ່ອັດຕາຜົນຕອບແທນພັນທະບັດ 10 ປີຢູ່ທີ່ 0,679% ແລະ ຄຳເພີ່ມຂຶ້ນເລັກໜ້ອຍເຊັ່ນກັນ.
- ລາຍງານຍອດຂາຍຍ່ອຍໃນເຊົ້າວັນທີ 17 ກັນຍານີ້ ສຳລັບເດືອນສິງຫາ ຈະເປີດເຜີຍເວລາ 8:30 ໂມງ ເຊິ່ງຈະໃຫ້ພາບລວມຂອງພຶດຕິກຳຜູ້ບໍລິໂພກເປັນຄັ້ງທຳອິດ ຫລັງຈາກສິ້ນສຸດໄລຍະເວລາຂອງສະຫວັດດີການວ່າງງານມູນຄ່າ 600 ໂດລາ.
ຂະນະດຽວກັນ EIA ຈະລາຍງານປະລິມານນ້ຳມັນໃນສາງໃນເວລາ 10:30 ໂມງ ເຊິ່ງອາດຢືນຢັນເຖິງການຫລຸດລົງຂອງສະຕັອກ ຫລັງຈາກຂໍ້ມູນທາງອຸດສາຫະກຳຊີ້ໃຫ້ເຫັນເຖິງການຫລຸດລົງຢ່າງໜ້າປະຫລາດໃຈ.
- ຜູ້ສົ່ງອອກອາຫານພາຍໃນປະເທດອົດສະຕຣາລີ ກຳລັງຜະເຊີນກັບປີທີ່ທ້າທາຍຫລາຍ ໂດຍຄາດວ່າມູນຄ່າການຈັດສົ່ງທີ່ຕັ້ງໄວ້ຈະຫລຸດລົງ 10% ເນື່ອງຈາກປະເທດຕ້ອງຕໍ່ສູ້ກັບການພົວພັນລະຫວ່າງຈີນທີ່ຫລຸດລົງ ລວມທັງຍອດຂາຍຊີ້ນສັດທີ່ຫລຸດລົງ ແລະ Demand ທີ່ຫລຸດລົງເນື່ອງຈາກໄວຣັສ.
ນັກພະຍາກອນຂອງລັດຖະບານຄາດວ່າ ການສົ່ງອອກສິນຄ້າກະສິກຳຈະຫລຸດລົງເຫລືອ 4,35 ໝື່ນລ້ານໂດລາອົດສະຕຣາລີ (3,17 ໝື່ນລ້ານໂດລາ) ເນື່ອງຈາກລາຄາສຳລັບການສົ່ງອອກຈຳນວນຫລາຍຕົກຕໍ່າ ລວມທັງຊີ້ນສັດ, ເຂົ້າສາລີ, ເຂົ້າບາເລ ແລະ ວາຍ ເນື່ອງຈາກການລະບາດຂອງພະຍາດ ແລະ ຂໍ້ຈຳກັດທາງການຄ້າຂອງຈີນ.
ນອກຈາກນີ້ ຜົນຜະລິດຊີ້ນສັດທີ່ຫລຸດລົງເພາະຝົນຕົກ ຍັງກະຕຸ້ນໃຫ້ກະສິກອນລ້ຽງງົວຕໍ່ໄປຫລາຍກວ່າການຈະຂ້າພວກມັນ ຂະນະທີ່ການຜະລິດທັນຍາພືດທີ່ເພີ່ມຂຶ້ນຈະຊ່ວຍຊົດເຊີຍຜົນກະທົບທາງລົບຕໍ່ການຂົນສົ່ງໃນລາຄາທີ່ຕໍ່າລົງ.
- ປະທານາທິບໍດີ ໂດນັລ ທຣຳ ກ່າວວ່າ ທ່ານບໍ່ພໍໃຈຕໍ່ສິ່ງທີ່ໄດ້ຍິນກ່ຽວກັບເງື່ອນໄຂການສະເໜີລາຄາຂອງ Oracle ສຳລັບ TikTok ຂອງຈີນ ແຕ່ໄດ້ກ່າວອີກວ່າ ທ່ານຈະບໍ່ມີການບັນຍາຍສະຫລຸບລາຍລະອຽດຂອງເລື່ອງນີ້ຈົນກວ່າຈະຮອດຕອນເຊົ້າຂອງວັນພະຫັດຕາມເວລາທ້ອງຖິ່ນອາເມລິກາ.
ຂະນະດຽວກັນ ເຈົ້າໜ້າທີ່ບໍລິຫານລະດັບສູງຂອງ Trump ໄດ້ແຈ້ງເຖິງຄວາມກັງວົນທີ່ວ່າ Bytedance ຍັງສາມາດເຂົ້າເຖິງຂໍ້ມູນຂອງຜູ້ໃຊ້ແອັບປະມານ 100 ລ້ານຄົນຢູ່ອາເມລິກາ ເຖິງວ່າຈະມີການເຂົ້າຊື້ຫຸ້ນບາງສ່ວນໂດຍ Oracle ໄປແລ້ວກໍຕາມ. ເຖິງຢ່າງໃດກໍຕາມ Oracle ກ່າວວ່າ ພວກເຂົາຈະຮັບຜິດຊອບໃນການຈັດເກັບຂໍ້ມູນຜູ້ໃຊ້ຢູ່ອາເມລິກາພາຍໃຕ້ການປັບໂຄງສ້າງທີ່ສະເໜີ.
- ຫຸ້ນອາຊີເລີ່ມຕົ້ນມື້ໃໝ່ຢ່າງລະມັດລະວັງ ຫລັງຈາກຄວາມເຫັນຫລ້າສຸດຂອງ FED ຂະນະທີ່ຫຸ້ນໃນກຸ່ມເຕັກໂນໂລຊີທີ່ປັບຕົວຫລຸດລົງໃນສັນຍາຊື້ຂາຍລ່ວງໜ້າຂອງອາເມລິການັ້ນຊົງຕົວໃນຕະຫລາດຍີ່ປຸ່ນ.
ຂະນະດຽວກັນ ຫຸ້ນຢູ່ຮົງກົງ ແລະ ອົດສະຕຣາລີຫລຸດລົງ, ສ່ວນດັດຊະນີ S&P 500 ກ່ອນໜ້ານີ້ໄດ້ຫລຸດລົງຈົນຫັກລ້າງກັບການເພີ່ມຂຶ້ນມາຕະຫລອດຫລັງຈາກ Powell ກ່າວວ່າທ່ານບໍ່ແນ່ໃຈວ່າການຟື້ນຕົວໄວກວ່າຄາດຄະເນໄວ້ຈະສາມາດດຳເນີນຕໍ່ໄປໄດ້ ຫລື ບໍ່.
ການຫລຸດລົງຢ່າງຮຸນແຮງຂອງຫຸ້ນກຸ່ມເຕັກໂນໂລຊີເຊັ່ນ Apple ແລະ Facebook ໄດ້ລາກມາດຕາວັດແທກພື້ນຖານຂອງຕະຫລາດໃຫ້ຫລຸດລົງເຊັ່ນກັນ. ຂະນະທີ່ອັດຕາຜົນຕອບແທນຂອງພັນທະບັດເພີ່ມສູງຂຶ້ນເລັກໜ້ອຍ ເນື່ອງຈາກ Powell ໄດ້ຢຸດການສະເໜີຂໍ້ມູນສະເພາະໃໝ່ ກ່ຽວກັບແນວທາງຂອງ FED ໃນການຊື້ພັນທະບັດແຕ່ລະເດືອນ ເຊິ່ງສົ່ງຜົນກະທົບຕໍ່ຕະຫລາດ.
ຜູ້ຄ້າຂາຍບາງຄົນອາດໄດ້ຮັບສັນຍານກ່ຽວກັບແຜນການກຳນົດເປົ້າໝາຍໄລຍະເວລາຄົບກຳນົດ, ເງິນໂດລາມີການປ່ຽນແປງເລັກໜ້ອຍ, ບ່ອນອື່ນນ້ຳມັນເພີ່ມສູງຂຶ້ນ ຫລັງຈາກຂໍ້ມູນຂອງລັດຖະບານສະແດງໃຫ້ເຫັນວ່າສະຕັອກນ້ຳມັນດິບຂອງອາເມລິກາຫລຸດລົງ.
