ທຣຳ ຝັນຢາກເປັນປະທານາທິບໍດີ 3 ສະໄໝ 12 ປີ

ແຫຼ່ງຂ່າວຈາກ tienphong, ວັນທີ 13 ກັນຍາໃຫ້ຮູ້ວ່າ: ທຣຳ ໄຝ່ຝັນຢາກເປັນປະທານາທິບໍດີ 12 ປີ, ເຖິງແມ່ນວ່າລັດຖະທຳມະນູນຈະກຳນົດວ່າ ປະທານາທິບໍດີຄົນໜຶ່ງຢູ່ໄດ້ບໍ່ເກີນ 2 ສະໄໝ 8 ປີກໍຕາມ.

ປະທານາທິບໍດີ ໂດນັລທຣຳ, ວັນທີ 12 ກັນຍານີ້ ໃນຂະນະທີ່ຫາສຽງຢູ່ໃນລັດ Nevada ນັ້ນ, ທ່ານໄດ້ເປີດເຜີຍຄວາມໄຝ່ຝັນດັ່ງກ່າວຕໍ່ມວນຊົນ ໂດຍບໍ່ສົນໃຈຕໍ່ລັດຖະທຳມະນູນຈະກຳນົດແນວໃດກໍແລ້ວແຕ່. ທຣຳ ກ່າວວ່າ: “ພວກເຮົາຈະໄດ້ຢູ່ໃນທຳນຽບຂາວຕໍ່ໄປອີກ 4 ປີ, ຫຼັງຈາກນັ້ນຈະເຈລະຈາໃຫ້ໄດ້ຢູ່ຕໍ່ໄປ 4 ປີຕື່ມອີກ”.

ເຖິງຢ່າງໃດກໍຕາມ, ທຣຳ ໃນເວລານີ້ຍັງມີຄະແນນຕາມຫຼັງຄູ່ແຂ່ງຈາກພັກ ດີໂມແຄຣດ, ທ່ານ ໂຈໄບເດັນຢູ່ກໍຕາມ ແຕ່ເຂົາຍັງມີຄວາມຫວັງວ່າຈະໄດ້ກັບມາເປັນປະທານາທິບໍດີອີກຄັ້ງ. ເຂົາພະຍາຍາມອອກເຄື່ອນໄຫວຫາສຽງຖີ່ຂຶ້ນໃນໄລຍະມໍ່ໆມານີ້.

ຂ່າວ: ລູກເມືອງພວນ.