ປະກອບຄຳເຫັນໃສ່ຮ່າງຄໍາແນະນຳການຈັດຕັ້ງປະຕິບັດກົດໝາຍວ່າດ້ວຍອາກອນລາຍໄດ້

ກອງປະຊຸມທາບທາມເປີດກວ້າງປະກອບຄຳເຫັນໃສ່ຮ່າງຄໍາແນະນໍາຈັດຕັ້ງປະຕິບັດກົດໝາຍວ່າດ້ວຍອາ ກອນລາຍໄດ້, ໄດ້ຈັດຂຶ້ນໃນວັນທີ 11 ກັນຍານີ້ ທີ່ກົມສ່ວຍສາອາກອນ ກະຊວງການເງິນ, ໂດຍການເຂົ້າຮ່ວມຂອງທ່ານ ບຸນເຫລືອ ສິນໄຊວໍລະວົງ ຮອງລັດຖະມົນຕີກະຊວງການເງິນ, ພ້ອມທັງພະນັກງານສ່ວຍສາກອນທົ່ວປະເທດ ແລະ ພາກສ່ວນກ່ຽວຂ້ອງເຂົ້າຮ່ວມ.

ເພື່ອການທາບທາມເປີດກວ້າງປະກອບຄຳເຫັນໃສ່ຮ່າງຄໍາແນະນໍາຈັດຕັ້ງປະຕິບັດກົດໝາຍວ່າດ້ວຍອາກອນລາຍໄດ້ໂດຍໄດ້ຮັບການສະໜັບສະໜູນດ້ານງົບປະມານ ຈາກກອງທຶນຊ່ວຍເຫລືອລ້າຈາກສະຫະພາບເອີຣົບ ຜ່ານທະນາຄານໂລກ (EU-World Bank) ເພື່ອປັບປຸງການຄຸ້ມຄອງການເງິນແຫ່ງລັດ PFMRP ຊຶ່ງຂຶ້ນກັບກົມນະໂຍບາຍການເງິນ ແລະ ນິຕິກຳກະຊວງການເງິນ.

ທ່ານ ພົມມີ ນາມມະວົງ ໄດ້ຜ່ານຮ່າງຄຳແນະນຳຈັດຕັ້ງປະຕິບັດກົດໝາຍວ່າດ້ວຍອາກອນລາຍໄດ້ (ພາກອາກອນລາຍໄດ້ຂອງວິສາຫະກິດ) ແລະ ຮ່າງຄຳແນະນຳຈັດຕັ້ງປະຕິບັດກົດໝາຍວ່າດ້ວຍອາກອນລາຍໄດ້ (ພາກອາກອນລາຍໄດ້ຂອງຂອງບຸກຄົນ) ທີ່ເປັນໜຶ່ງໃນບັນດາບຸລິມາສິດຕົ້ນຕໍທີ່ກຳລັງກະກຽມເປັນຕົ້ນ: ຮ່າງຄໍາແນະນຳຈັດຕັ້ງປະຕິບັດ 4 ກົດໝາຍຂົງເຂດສ່ວຍສາອາກອນ ທີ່ສຳຄັນແມ່ນຄໍາແນະນຳຈັດຕັ້ງປະຕິບັດກົດ ໝາຍວ່າດ້ວຍອາກອນລາຍໄດ້ໃຫ້ສາມາດນຳໄປຈັດຕັ້ງປະຕິບັດໄດ້ຮັບປະກັນໃຫ້ໄດ້ຮັບຜົນສຳເລັດ.