ແຄລິຟໍເນຍວິກິດໜັກ ຟ້າປ່ຽນສີຍ້ອນໄຟໄໝ້ປ່າ
September 10, 2020 - 10:58 AM
ນີ້ຄືບັນຍາກາດຟ້າປ່ຽນເປັນສີສົ້ມໃນລັດແຄລິຟໍເນຍ ສະຫະລັດອາເມລິກາ ຫລັງປະສົບວິກິດໄຟໄໝ້ປ່າຄັ້ງຮຸນແຮງ ເນື່ອງຈາກຄື້ນຄວາມຮ້ອນທີ່ເຂົ້າປົກຄຸມໃນຫລາຍພື້ນທີ່ ແລະ ອິດທິພົນຈາກການປ່ຽນແປງສະພາບອາກາດ. ຫລ້າສຸດ ນັກມອດໄຟ 14.000 ກວ່າຄົນ ກຳລັງເຂົ້າຄວບຄຸມສະຖານະການ ເພື່ອຈຳກັດບໍ່ໃຫ້ໄຟໄໝ້ປ່າ 28 ກວ່າຈຸດໃຫຍ່ໆທົ່ວລັດລຸກລາມ ແລະ ຂະຫຍາຍຕົວເປັນວົງກວ້າງ.
ໂດຍໃນປີນີ້ໄຟໄໝ້ປ່າໄດ້ເຜົາທຳລາຍພື້ນທີ່ໃນແຄລິຟໍເນຍໄປແລ້ວ 2,5 ລ້ານກວ່າໄລ່, ມີຜູ້ເສຍຊີວິດແລ້ວຢ່າງໜ້ອຍ 8 ຄົນ, ທີ່ພັກອາໄສ ແລະ ຊັບສິນຈຳນວນບໍ່ໜ້ອຍໄດ້ຮັບຄວາມເສຍຫາຍ.
