ລັດເຊຍເລີ່ມແຈກວັກຊີນຕ້ານໂຄວິດ-19 ເປັນວົງກວ้າງແລ້ວ
September 9, 2020 - 2:13 PM
ແຫຼ່ງຂ່າວຈາກ vietnamnet, ວັນທີ 8 ກັນຍານີ້ ໂດຍອ້າງອີງການປະກາດຂອງກະຊວງສາທາລະນະສຸກຂອງລັດເຊຍໃຫ້ຮູ້ວ່າ: ວັກຊີນຕ້ານໂຄວິດ-19 Sputnik V ໄດ້ຮັບອະນຸຍາດໃຫ້ປວງຊົນທົ່ວໄປໄດ້ຊົມໃຊ້ແລ້ວ.
ສຳນັກຂ່າວ RT ລາຍງານວ່າ: ກະຊວງສາທາລະນະສຸກຂອງລັດເຊຍ ປະກາດວ່າ: ວັກຊີນຕ້ານໂຄວິດ-19 Sputnik V ຊຶ່ງພັດທະນາຂຶ້ນມາໂດຍສູນຄົ້ນຄ້ວາພະຍາດລະບາດວິທະຍາ ແລະ ເຊື້ອໄວຣັດວິທະຍາ Gamaleya ນັ້ນ, ໄດ້ຜ່ານການທົດລອງເປັນຢ່າງດີມາແລ້ວ ເຫັນວ່າມີຄຸນນະພາບສູງ ຈຶ່ງແຈກຢາຍໃຫ້ປວງຊົນໄດ້ຊົມໃຊ້. ໃນແຈ້ງການນັ້ນຍັງໃຫ້ຮູ້ວ່າ: ວັກຊີນກຳລັງໄດ້ຮັບການແຈກຢາຍໃຫ້ປະຊາຊົນໃນທົ່ວລັດເຊຍໄດ້ຊົມໃຊ້ທົ່ວກັນ.
ເຈົ້າຄອງນະຄອນ ມົສໂກ ທ່ານ Sergey Sobyanin ໃຫ້ຮູ້ວ່າ: ໂຄງການສັກວັກຊີນໃຫ້ປະຊາຊົນລັດເຊຍຈະໄດ້ເລີ່ມຂຶ້ນໃນທ້າຍປີ 2020 ຫຼື ຕົ້ນປີ 2021.
ແປຂ່າວ: ລູກເມືອງພວນ.
