ເປີດໂຕລະບົບປະຕິບັດການພີຊີ Endless OS ວ່ອງໄວປອດໄພໃຊ້ງ່າຍບໍ່ຕ້ອງອາໄສອິນເຕີເນັດ
ລະບົບປະຕິບັດການ Endless OS ເປັນລະບົບທີ່ສາມາດເຮັດວຽກຮ່ວມກັບ Windows ຫຼື Linux ໄດ້ ໂດຍມີເມນູການໃຊ້ວຽກເປັນພາສາໄທ ແລະ ຈຸດມຸ່ງໝາຍຂອງລະບົບນີ້ຄື: ໃຊ້ງ່າຍ, ໃຊ້ຟຣີ, ສ້າງໂອກາດໃຫ້ທຸກຄົນໄດ້ຄົ້ນຫາຂໍ້ມູນຕ່າງໆ ໂດຍບໍ່ຕ້ອງເຊື່ອມຕໍ່ອິນເຕີເນັດ, ປອດໄພຈາກໄວຣັສທີ່ບໍ່ເພິ່ງປະສົງ ແລະ ຊ່ວຍຫຼຸດບັນຫາຊອບແວຣ໌ລະເມີດລິຂະສິດ.
Endless OS ເປັນລະບົບປະຕິບັດການສໍາລັບພີຊີ ທີ່ເປີດໃຫ້ຜູ້ໃຊ້ເຂົ້າໄປ “ດາວໂຫຼດ ແລະ ຕິດຕັ້ງໄດ້ຟຣີບໍ່ເສຍຄ່າໃຊ້ຈ່າຍ” ຈະມີການຕິດຕັ້ງໃຊ້ລະບົບປະຕິບັດການຫຼັກ ຫຼື ສໍາລັບໃຊ້ຄຽງຄູ່ໄປກັບ Windows ຫຼື Linux ໄດ້ ໂດຍບໍ່ຕ້ອງຖອນການຕິດຕັ້ງລະບົບເກົ່າທີ່ເຄີຍໃຊ້ໃຫ້ເສຍເວລາ ແລະ ສາມາດຕິດຕັ້ງຜ່ານ USB ເທິງແຟລຊໄດຼຣ ເພື່ອນໍາໄປໃຊ້ແບບ “Portable” .
Endless OS ນີ້ມີຮູບຮ່າງ ແລະ ວິທີການໃຊ້ ແລະ ຄືກັບລະບົບ Android ໃນໂທລະສັບມືຖືທີ່ໃຊ້ຢ່າງແຜ່ຫຼາຍ. ສ່ວນໜ້າຈໍຫຼັກມີແອັບພລິເຄຊັ່ນຕ່າງໆທີ່ຕິດຕັ້ງຢູ່ທາງເທິງມີແຄບ “Search” ເພື່ອຊອກຂໍ້ມູນທີ່ຕ້ອງການຄົ້ນຫາເຊັ່ນ: ບົດຄວາມ, ແປຄໍາສັບ ຫຼື ວິທີການເຮັດອາຫານ ແລະ ອື່ນໆໃຫ້ເຮົາໄດ້ເລືອກ ໂດຍບໍ່ຈໍາເປັາຕ້ອງເຊື່ອມຕໍ່ອິນເຕີເນັດ. ມີ App store ໃຫ້ເລືອກດາວໂຫຼດ ຫຼື ຊື້ແອັບພລິເຄຊັ່ນ ແລະ ມາພ້ອມສຸດຍອດເຄື່ອງມືທີ່ຊ່ວຍໃຫ້ຜູ້ໃຊ້ສາມາດສ້າງແອັບພລິເຄຊັນໄດ້ດ້ວຍຕົນເອງ ໂດຍບໍ່ຕ້ອງຂຽນໂນ໊ດໃຫ້ຫຍຸ້ງຍາກ. ຈຸດປະສົງຕົ້ນຕໍຂອງ Endless ຄື: ຫຼຸດການໃຊ້ອິນເຕີເນັດໂດຍບໍ່ຈໍາເປັນ ຫາກເຮົາເຊື່ອມຕໍ່ອິນເຕີເນັດລະບົບຈະອັບເດດຂໍ້ມູນໂດຍອັດຕະໂນມັດມາເກັບໄວ້ໃນເຄື່ອງ. ສ່ວນຄວາມຕ້ອງການຂອງລະບົບຂັ້ນຕໍ່າຄືໜ່ວຍປະມວນຜົນຫຼັກ Dual Core ຂຶ້ນໄປ ໜ່ວຍຄວາມຈໍາ (RAM) 1 GB ພື້ນທີ່ເກັບຂໍ້ມູນ (Storage) 16 GB ສໍາລັບລຸ້ນປົກກະຕິ ແລະ 32 GB ສໍາລັບລຸ້ນເກົ່າ.
ທາງຜູ້ພັດທະນາລະບຸວ່າ: ລະບົບນີ້ເໝາະສໍາລັບການນໍາໄປໃຊ້ໃນລະບົບການສຶກສາໃນຖິ່ນທຸລະກັນດານ ເພາະລະບົບນີ້ຈະຊ່ວຍຫຼຸດຕົ້ນທຶນ ໃນການຊອກຫາອຸປະກອນຄອມພິວເຕີ, ສ່ວນຊອບແວຣ໌ໃນໂຮງຮຽນ ຫຼື ໃນບ້ານທີ່ບໍ່ມີອິນເຕເນັດ ມີລະບົບແມ່ຂ່າຍທີ່ໃຊ້ອັບເດດຂໍ້ມູນຕ່າງໆພຽງເຄື່ອງດຽວ ແລະ ກະຈາຍຂໍ້ມູນໄປໃນເຄື່ອງລູກ. ລະບົບນີ້ຈະຊ່ວຍທຸກຄົນສາມາດເຂົ້າເຖິງຄວາມຮູ້ຕ່າງໆ, ແຕ່ວ່າປັດຈຸບັນ ຂໍ້ມູນ ຫຼື ໂປຣແກມຕ່າງໆສ່ວນຫຼາຍຍັງບໍ່ໄດ້ໃຊ້ພາສາໄທ ເຮົາຈຶ່ງບໍ່ສາມາດໃຊ້ປະໂຫຍດຈາກລະບົບໄດ້ເຕັມສ່ວນ, ຖ້າໃຜສົນໃຈສາມາດເຂົ້າໄປດາວໂຫຼດມາໃຊ້ໄດ້ ໃນເວັບໄຊ https://endlessos.com/th/.
