ອະດີດຜູ້ບໍລິຫານ Uber ຖືກກ່າວຫາມີສ່ວນຮ່ວມກໍລະນີເຕັກໂນໂລຊີລົດຍົນບໍ່ມີຄົນຂັບຖືກລັກ
ພາຍຫຼັງ Travis Kalanick ຖືກຄະນະຜູ້ບໍລິຫານ ແລະ ຜູ້ຖືຫຸ້ນບີບໃຫ້ລາອອກຈາກຕໍາແໜ່ງຜູ້ບໍລິຫານ Uber, ແຕ່ພາຍຫຼັງ Waymo ໄດ້ກ່າວຫາອະດີດຜູ້ບໍລິຫານ Uber ວ່າມີສ່ວນຮ່ວມກັບອະດີດພະນັກງານ Google ໃນກໍລະນີເຕັກໂນໂລຊີລົດຍົນບໍ່ມີຄົນຂັບຂອງ Google ຖືກລັກ.
Waymo ຖືເປັນບໍລິສັດໃນເຄືອຂອງ Alphabet (ບໍລິສັດແມ່ຂອງ Google) ມີໜ້າທີ່ພັດທະນາເຕັກໂນໂລຊີ ແລະ ລົດຍົນບໍ່ມີຄົນຂັບໂດຍສະເພາະ ໄດ້ກ່າວຫາອະດີດຜູ້ບໍລິຫານ Uber ວ່າສ່ວນຮ່ວມກັບ Anthony Levandowski ອະດີດພະນັກງານ Google ທີ່ລັກເຕັກໂນໂລຊີລົດຍົນບໍ່ມີຄົນຂັບຈາກ Google ກວ່າ 14.000 ໄຟລ໌ ເຊິ່ງພາຍຫຼັງອະດີດພະນັກງານ Google ລາອອກຈາກ Google ເຂົາໄດ້ກໍ່ຕັ້ງບໍລິສັດ Otto ສໍາລັບພັດທະນາລົດບັນທຸກແບບບໍ່ມີຄົນຂັບ ແລະ ເປັນ Uber ທີ່ເຂົ້າຊື້ກິດຈະການ Otto ໃນມູນຄ່າ 680 ລ້ານໂດລາສະຫະລັດ.
Waymo ອ້າງວ່າ: ໄລຍະເວລາ Uber ຮູ້ເລື່ອງການຖືກລັກຂໍ້ມູນຈາກ Google ຂອງ Anthony Levandowski (ກ່ອນທີ່ Uber ຈະໄລ່ອອກໃນພາຍຫຼັງການຮູ້ເລື່ອງ) ເກີດຂຶ້ນກ່ອນທີ່ Uber ການຈະເຂົ້າຊື້ກິດຈະການ Otto. ດັງນັ້ນ ເຖິງວ່າ Uber ຈະປະຕິເສດວ່າບໍ່ມີການນໍາເຕັກໂນໂລຊີຈາກ Google ມາໃຊ້ໃນການພັດທະພາລົດຍົນບໍ່ມີຄົນຂັບ, ແຕ່ຈາກການກ່າວອ້າງຂອງ Waymo ຈະເຮັດໃຫ້ Uber ບໍ່ສາມາດໃຊ້ຂໍ້ຊີ້ແຈງດັ່ງກ່າວເພື່ອປະຕິເສດຂໍ້ກ່າວຫາໄດ້ຢ່າງສົມບູນ.
ສໍາລັບເຕັກໂນໂລຊີລົດຍົນບໍ່ມີຄົນຂັບ Waymo ລະບຸວ່າຖືກລັກ ເອີ້ນວ່າ LiDAR ເຊນເຊີຣ໌ທີ່ເຮັດໜ້າທີ່ກວດຈັບວັດຖຸຕ່າງໆເທິງຖະໜົນ ແລະ ການແປງຂໍ້ມູນໃຫ້ເປັນແບບ 3 ມິຕິ.
