Samsung Galaxy Note 8 ອັບຄ່າໂຕລາຄາເລີ່ມຕົ້ນເກືອບ 40.000 ບາດ
ຊໍາຊຸງກຽມຍົກລະດັບໂທລະສັບມືຖືຮູບຮ່າງໃຫ້ລາຄາສູງຂຶ້ນໄປອີກ ເພາະຫລ້າສຸດ Evan Blass ຂ່າວຫຼຸດມືຖືຈາກສໍານັກຂ່າວ Venture Beat ໄດ້ຂໍ້ມູນຈາກທາງຊໍາຊຸງ Samsung Galaxy Note 8 ໂທລະສັບມືຖືຕະກຸນໂນ໊ດ ລຸ້ນຫລ້າສຸດຂອງຊໍາຊຸງທີ່ຈະອອກມາທ້າຍປີນີ້ ຈະມີລາຄາຢູ່ທີ່ 999 ເອີໂຣ ຫຼື ປະມານ 38.000 ບາດ ເຊິ່ງຖືວ່າເປັນລາຄາສູງທີ່ສຸດໃນປະຫວັດສາດຊໍາຊຸງ ເພາະເມື່ອຢ້ອນກັບໄປລຸ້ນກ່ອນໜ້ານີ້ Samsung Galaxy Note 7 ກໍມີລາຄາເປີດໂຕໃນປະເທດໄທພຽງ 28.000 ບາດເທົ່ານັ້ນ.
ເຊິ່ງໃນລາຄານີ້ ເຮົາຈະໄດ້ສໍາຜັດກັບ Galaxy Note 8 ທີ່ມີຂະໜາດ ແລະ ຮູບແບບຄ້າຍຄືກັບ Galaxy S8+ ໂດຍຈະມີຂະໜາດໜ້າຈໍ 6,3 ນິ້ວ, ອັດຕາສ່ວນ 18,5:9, ເຕັກໂນໂລຊີ AMOLED ທີ່ມາພ້ອມກັບ S-Pen ຄູ່ໃຈໃໝ່ ທີ່ສາມາດຈົດບັນທຶກລົງເທິງໜ້າຈໍ Always-on display (ໜ້າຈໍຕອນລັອກເຄື່ອງ) ໄດ້ ແລະ ກ້ອງເລນຄູ່ທີ່ລໍຄອຍ ຈະມີໃຫ້ໃຊ້ງານກັນເທິງ Note 8 ເຊັ່ນກັນ ເຊິ່ງເລນຄູ່ຈະມາພ້ອມກັບເຊັນເຊີຣຂະໜາດ 12 ລ້ານພິກເຊວ ພ້ອມລະບົບກັນສັ່ນແບບ Optical ໂດຍເລນຄູ່ຈະຖືກຈັດລຽງເປັນແນວນອນໄປລວງດຽວກັບໄຟແຟັດ ແລະ ເຊັນເຊີຣວັດແທກການເຕັ້ນຂອງຫົວໃຈ ລວມທັງເຊັນເຊີີຣສະແກນລາຍນິ້ວມື.
ສ່ວນສະເປັກພາຍໃນກໍບໍ່ນ້ອຍໜ້າ ດ້ວຍຊິປເຊຕຕົວທ໊ອບເຊັ່ນດຽວກັນ Galaxy S8 ແລະ S8+ ເຊັ່ນ Exynos 8895 ຫຼື Qualcomm Snapdragon 835, ແຣມຂະໜາດ 6 GB ເທິງ Galaxy Note 8 ໂທລະສັບແບບນີ້ຖືວ່າເປັນລຸ້ນທີ 2 ຂອງຊໍາຊຸງ ທີ່ມີແຣມໃຫ້ໃຊ້ງານຫຼາຍກວ່າ 4 GB (ລຸ້ນກ່ອນໜ້າທີ່ມີແຣມ 6 GB ກໍຄື Samsung Galaxy C9 Pro) ສ່ວນແບັດເຕີຣີມາພ້ອມຄວາມຈຸ 3300 mAh (ຫຼຸດລົງຈາກລຸ້ນທີ່ແລ້ວ 200 mAh).
ນອກຈາກນີ້ Galaxy Note 8 ຈະຮອງຮັບອຸປະກອນ DeX ທີ່ຈະປ່ຽນໂທລະສັບມືຖືເປັນ Desktop PC ໄດ້ເຊັ່ນດຽວກັບໂມເດລ Galaxy S8 ສ່ວນສີທີ່ຈະຈໍາໜ່າຍມີ 3 ສີຄື: ສີດໍາ, ສີນໍ້າເງິນ ແລະ ສີຄຳ ເຊິ່ງທຸກຢ່າງຈະເປັນໄປຕາມຂ່າວນີ້ ຫຼື ບໍ່ ? ຕ້ອງຕິດຕາມໃນງານເປີດໂຕ Samsung Galaxy Note 8 ທີ່ຈະຈັດຂຶ້ນໃນກາງເດືອນກັນຍາ ທີ່ຈະມາເຖິງນີ້.
