ອຸບັດຕິເຫດລົດເກງຕຳກັບລົດຫຸ້ມເກາະຢູ່ທີ່ເກົາຫຼີໃຕ້ ມີຜູເສຍຊີວິດຄາທີ່ 4 ຄົນ.
ມີລາຍງານຈາກ NBT, ວັນທີ 1 ກັນຍານີ້ ໃຫ້ຮູ້ວ່າ: ມີຜູ້ເສຍຊີວິດ 4 ຄົນ ຈາກເຫດລົດເກງຂອງສ່ວນບຸກຄົນ ຕຳກັບລົດຫຸ້ມເກາະຂອງທະຫານສະຫະລັດຢູ່ທີ່ເມືອງ ໂພຊອນ ຂອງເກົາຫຼີໃຕ້. ເຫດການດັ່ງກ່າວເກີດຂຶ້ນເມື່ອເວລາປະມານ 21 ໂມງ 27 ນາທີ ຕາມເວລາທ້ອງຖິ່ນ ໃກ້ກັບສັນພູ Rodriguez Live Fire Range, ຊຶ່ງເປັນເຂດທະຫານປືນໃຫ່ຍຂອງກຸງໂຊທາງຕອນເໜືອໃກ້ກັບຊາຍແດນຂອງເກົາຫຼີເໜືອ. ຜູ້ເສຍຊີວິດທັງ 4 ຄົນແມ່ນຜູ້ໂດຍສານມາກັບລົດເກງ, ເປັນຊາວເກົາຫຼີໃຕ້ທັງໝົດ, ໃນຂະນະທີ່ທະຫານສະຫະລັດ 1 ນາຍຢູ່ໃນລົດຫຸ້ມເກາະກໍໄດ້ຮັບບາດເຈັບເລັກນ້ອຍ, ແລ້ວຖືກນຳຕົວສົ່ງໂຮງໝໍແລ້ວ. ພາບເຫດການເຜີຍແຜ່ໃຫ້ເຫັນວ່າ ລົດເກງທີ່ປະສົບເຫດຢູ່ໃນສະພາບຖືກບົດມຸ່ນອຸ້ຍປຸ້ຍຢູ່ຂ້າງລົດຫຸ້ມເກາະຂອງທະຫານສະຫະລັດ.
ຕຳຫຼວດເກົາຫຼີໃຕ້ກ່າວວ່າ ພວກເຂົາໄດ້ຮັບຄຳຮຽກຮ້ອງໃຫ້ມີການພິສູດຊາກສົບຂອງຄົນຂັບລົດເພື່ອຫາລະດັບແອວຄໍຮໍ ຫຼື ຢາເສບຕິດ ແລະ ຫາສາເຫດທີ່ແທ້ຈິງຂອງອຸບັດຕິເຫດຄັ້ງນີ້ ແລະ ຍັງຢູ່ໃນລະຫວ່າງການກວດສອບຢູ່.
ດ້ານກຳລັງທະຫານສະຫະລັດໃນເກົາຫຼີໃຕ້ໄດ້ຢຸດຕິການຝຶກຊ້ອມຢູ່ໃນພື້ນທີ່ເປັນການຊົ່ວຄາວ ເພື່ອສະແດງຄວາມເຄົາລົບຕໍ່ຜູ້ເສຍຊີວິດ ແລະ ຄອບຄົວຂອງພວກເຂົາ ແລະ ກໍພ້ອມໃຫ້ຄວາມຮ່ວມມືການສອບສວນ.
ຂ່າວ: ລູກເມືອງພວນ.
