ທຣຳ ຢາກໄດ້ລູກສາວຂອງຕົນ Ivanka ເປັນປະທານາທິບໍດີຍິງຄົນທຳອິດຂອງສະຫະລັດ.
ແຫຼ່ງຂ່າວຈາກ baoquocte, ວັນທີ 30 ສິງຫານີ້ ໃຫ້ຮູ້ວ່າ: ປະທານາທິບໍດີ ດໍນັລທຣຳ ພະຍາຍາມອອກແຮງໃສ່ຮ້າຍປ້າຍສີ ຜູ້ສະໝັກຍິງຊີງຮອງປະທານາທິບໍດີສະຫະລັດຈາກພັກ ດີໂມແຄຣດ, ທ່ານນາງ Kamala Harris ແລະ ເວົ້າວ່າ: ລູກສາວຂອງຕົນເອງ ນາງ Ivanka ເໝາະສົມທີ່ຈະເປັນປະທານາທິບດີຍິງຄົນທຳອິດຂອງສະຫະລັດ.
ໃນຕອນໄປຫາສຽງໃນວັນທີ 28 ສິງຫາຢູ່ທີ່ New Hampshire ປະທານາທິບໍດີ ທຣຳ ໄດ້ເຢາະເຢີ້ຍສຽດສີທ່ານນາງ Kamala Harris ຜູ້ລົງຊີງຕຳແໜ່ງຮອງປະທານາທິບໍດີຍິງຂອງພັກ ດີໂມແຄຣດວ່າ: ນາງ Kamala Harris ບໍ່ມີຄວາມເໝາະສົມທີ່ຈະເປັນປະທານາທິບໍດີຍິງຄົນປຳອິດໃນປະຫວັດສາດຂອງສະຫະລັດ.
ທ່ານ ທຣຳ ກ່າວວ່າ: “ຂ້ອຍຢາກເຫັນປະທານາທິບໍດີຍິງຄົນທຳອິດຂອງສະຫະລັດ ແຕ່ບໍ່ແມ່ນນາງ Harris, ເພາະເຂົາບໍ່ມີຄວາມສາມາດພຽງພໍ ແຕ່ພວກເຮົາທຸກຄົນຢາກໄດ້ Ivanka”.
ທ່ານນາງ Harris ເປັນຜູ້ຍິງຜິວສີຄົນທຳອິດ ແລະ ກໍເປັນຄົນເຊື້ອຊາດອາຊີຄົນທຳອິດທີ່ໄດ້ຖືກຮັບຮອງໃຫ້ລົງຊີງໃນຕຳແໜ່ງຮອງປະທານາທິບໍດີຂອງພັກ ດີໂມແຄຣດ, ເຂົາເປັນສະມາຊິກວຸດທິສະພາໃນລັດ ກະລີຟໍເນຍ ແຕ່ປີ 2017 ເປັນຕົ້ນມາ.
ໃນບົດປາໄສຂອງນາງ Ivanka ລາວກ່າວຍົກຍ້ອງພໍ່ວ່າ: ການບໍລິຫານຂອງທ່ານ ທຣຳ ແມ່ນມີຄວາມຜິດປົກກະຕິ ແຕ່ມີປະສິດທິຜົນສູງ.
ຂ່າວ: ລູກເມືອງພວນ.
