ມີຜູ້ຂໍລີ້ໄພຢູ່ EU 1.200.000 ຄົນປີ 2016

    ຂໍ້ມູນສະຫະພາບເອີຣົບ (EU) ລະບຸວ່າ: ມີຜູ້ຂໍລີ້ໄພປະມານ 1.200.000 ຄົນ ໃນປະເທດສະມາຊິກ EU ໃນ ປີຜ່ານມາ ໜ້ອຍກວ່າປີ 2015 ພຽງເລັກໜ້ອຍ. ຂະນະທີ່ຄວາມຂັດແຍ່ງຮຸນແຮງຂຶ້ນຢູ່ຊີຣີ ແລະ ບ່ອນອື່ນໆ ສົ່ງຜົນໃຫ້ ປະຊາຊົນພາກັນປະຖິ້ມບ້ານເຮືອນ.

ສຳນັກງານຢູໂຣສແຕດ ລາຍງານວ່າ: ເຖິງວ່າຕົວເລກຜູ້ຂໍລີ້ໄພຢູ່ EU ປີ 2016 ຕໍ່າກວ່າປີ 2015 ທີ່ມີຈຳນວນ 1.260.000 ຄົນ, ແຕ່ຍັງຖືວ່າຫລາຍກວ່າສອງເທົ່າຈາກຈຳນວນ 562.000 ຄົນ ໃນປີ 2014. ຊາວຊີຣີເປັນຜູ້ອົບ ພະຍົບກຸ່ມໃຫຍ່ທີ່ສຸດຈຳນວນ 183.000 ຄົນ ໃນປີຜ່ານມາ ແລະ ຊາວອີຣັກຈຳນວນ 127.000 ຄົນ. ຂະນະທີ່ເຢຍລະ  ມັນ ເຊິ່ງຮັບຜູ້ລີ້ໄພເກືອບ 1.000.000 ຄົນ ໃນປີ 2014 ແບ່ງຜູ້ອົບພະຍົບໄປ 60% ຈາກ ຈຳນວນທັງໝົດ ຫລື ປະ ມານ 722.300 ຄົນ, ອີຕາລີຮັບຜູ້ອົບພະຍົບໄປຈຳນວນ 121.000 ຄົນ ຫລື ຄິດເປັນ 10%, ຝຣັ່ງຮັບຜູ້ລີ້ໄພ 76.000 ຄົນ, ເກຣັກ 49.000 ຄົນ, ໂອຕຣິດ 39.000 ຄົນ ແລະ ສະຫະລາຊະອານາຈັກ 38.300 ຄົນ.