ແມນຊິຕີ້ ສະເໜີຊື້ຕົວເມສຊີ 100 ລ້ານເອີໂຣ ພ້ອມແຖມນັກເຕະອີກ 3 ຄົນ

ຕາມການລາຍງານຂອງສຳນັກຂ່າວຕ່າງປະເດທໃຫ້ຮູ້ວ່າ: ຈາກກໍລະນີອັນຮ້ອນແຮງຂອງ ລິໂອເນລ ເມສຊີ ທີ່ຕ້ອງການຍ້າຍອອກຈາກ ບາເຊໂລນາ ເຊິ່ງມີຫຼາຍສະໂມສອນໃຫ້ຄວາມສົນໃຈຢາກຈະຄວ້າຕົວມາຮ່ວມທີມ, ໃນນັ້ນແມນເຊັດເຕີ ຊິຕີ້ ເປັນທີມເຕັງໜ້າຈະໄດ້ ເມສຊີ ມາຮ່ວມທີມ ລວມເຖິງມີກະແສຂ່າວວ່າ ເມສຊີ ໄດ້ຕິດຕໍ່ຫາ ເປ໊ບ ກວາດິໂອລາ ຜູ້ຈັດການທີມຂອງ ແມນເຊັສຕີ ຊິຕີ້ ວ່າຕ້ອງການຍ້າຍມາຮ່ວມທີມກັນອີກຄັ້ງ.

ຫຼ້າສຸດ ແມນເຊັດເຕີ ຊິຕີ້ ເດີນໜ້າເຈລະຈາທີ່ຈະຄວ້າຕົວເມສຊີ ມາຮ່ວມທີມໃຫ້ໄດ້ ໂດຍຍິນດີທຸ້ມເງິນກ້ອນໃຫຍ່ 100 ລ້ານເອີໂຣ ພ້ອມກັບ 3 ນັກເຕະປະກອບດ້ວຍ ຊິລວາ, ເຊຊຸສ ແລະ ກາເຊຍ ເພື່ອໄປແລກຕົວກັບເມສຊີ, ເຖິງວ່າ ເມສຊີ ຈະມີຄ່າຈີກສັນຍາສູງເຖິງ 700 ລ້ານເອີໂຣ ແຕ່ເມສຊີ ຕ້ອງການທີ່ຈະຍົກເລີກສັນຍາ ເພື່ອຍ້າຍທີມໄປແບບບໍ່ມີຄ່າຕົວ. ດັ່ງນັ້ນ ສະຖານະການແບບນີ້ອາດຈະກົດດັນໃຫ້ ບາເຊໂລນາ ຍອມຮັບຂໍ້ສະເໜີຈາກ ແມນເຊັດເຕີ ຊິຕີ້ ເປັນໄປໄດ້ສູງ.