ກອງປະຊຸມສະໄໝສາມັນເທື່ອທີ 3 ຂອງສະພາປະຊາຊົນແຂວງວຽງຈັນ
ກອງປະຊຸມສະໄໝສາມັນ ເທື່ອທີ 3 ຂອງສະພາປະຊາຊົນ ແຂວງວຽງຈັນຊຸດທີ I ໄດ້ໄຂຂຶ້ນ ຢ່າງເປັນທາງການແຕ່ທີ 25 -28 ມິຖຸນານີ້, ທີ່ຫ້ອງວ່່່າການປົກຄອງ ແຂວງວຽງຈັນພາຍ ໃຕ້ການເປັນປະທານຂອງທ່ານ ບຸນເພັງ ສາຍ ນໍລະດີ ປະທານ ສພຂ, ເຂົ້າຮ່ວມ ໂດຍ ທ່ານ ວີດົງ ໄຊຍະສອນ ກໍາມະການສູນກາງພັກ, ເຈົ້າແຂວງໆວຽງຈັນ; ບັນດາ ທ່ານ ຮອງປະທານ ສພຂ, ສະມາຊິກ ສະພາແຫ່ງຊາດ (ສສຊ) ປະຈໍາ ເຂດເລືອກຕັ້ງທີ 10 ແຂວງ ວຽງຈັນ, ສະມາຊິກສະພາ ປະຊາຊົນ ແຂວງ (ສສຂ), ຕາງ ໜ້າພະ ແນກການຂອງແຂວງ, ອະດີດການນຳ ແຂວງ, ພະນັກງານອາວຸໂສບຳນານ, ຜູ້ຊົງຄຸນວຸດທິ, ອົງການແນວລາວສ້າງຊາດ ແລະ ອົງການຈັດຕັ້ງມະຫາຊົນ, ນັກທຸລະກິດ, ແຂກຖືກເຊີນພ້ອມ ດ້ວຍພາກສ່ວນທີ່ກ່ຽວຂ້ອງເຂົ້າ ຮ່ວມຢ່າງພ້ອມພຽງ, ເພື່ອພິຈາລະນາຮັບຮອງ ແລະ ຕົກລົງຫລາຍບັນຫາທີ່ສຳຄັນພື້ນ ຖານຄື: ວຽກງານບຸກຄະລາ ກອນຂອງອົງການປົກຄອງ ແຂວງ; ຄົ້ນຄວ້າປະກອບຄຳເຫັນ ໃສ່ຮ່າງນິຕິກຳທີ່ສຳຄັນຂອງແຂວງ, ທາບທາມຄໍາຄິດເຫັນຕໍ່ການຈັດສັນ ແລະ ຄຸ້ມຄອງໂຄງການພັດທະນາເທສະບານ ແຂວງ;
+ ກອງປະຊຸມພາກທຸລະກິດຈີນ-ອາຊຽນ ຄັ້ງທີ 1 ເນັ້ນຫາລືການຄ້າ ແລະ ການລົງທຶນເປັນຫລັກ
+ ຮອງລັດຖະມົນຕີກະຊວງແຮງງານສຳເລັດການເຂົ້າຮ່ວມກອງປະຊຸມສະມັດຊາໃຫຍ່ອົງການແຮງງານສາກົນທີ່ສະວິດເຊີແລນ
ການຈັດຕັ້ງປະຕິບັດແຜນພັດທະນາເສດ ຖະກິດ- ສັງຄົມ, ແຜນງົບປະມານແຫ່ງລັດ 6 ເດືອນຕົ້ນປີ 2017 ແລະ ທິດທາງແຜນການ 6 ເດືອນທ້າຍປີ 2017 ຂອງແຂວງ; ການເຄື່ອນໄຫວ ວຽກງານ 6 ເດືອນຕົ້ນປີ 2017 ແລະ ທິດທາງ ແຜນການ 6 ເດືອນທ້າຍປີ 2017 ຂອງສະພາປະຊາຊົນແຂວງ; ການການເຄື່ອນໄຫວວຽກງານ 6 ເດືອນ ຕົ້ນປີ 2017 ແລະ ທິດທາງແຜນການ 6 ເດືອນທ້າຍປີ 2017 ຂອງສານປະຊາຊົນ ແລະ ອົງການໄອຍະການປະຊາຊົນ; ຮັບຟັງການລາຍງານການຈັດຕັ້ງປະຕິບັດການຄຸ້ມຄອງ ແລະ ພັດທະນາເທສະບານແຂວງ; ການລາຍງານສະພາບການຄຸ້ມຄອງລາຄາສິນຄ້າ, ຄ່າ ບໍລິການ ແລະ ມາດຕະ ການແກ້ໄຂ ເພື່ອຫລຸດຜ່ອນຜົນກະທົບຕໍ່ການຜະລິດ ແລະ ການດຳລົງຊີວິດ ຂອງປະຊາຊົນບັນ ດາເຜົ່າລາຍງານການຈັດຕັ້ງ ປະຕິບັດແຜນການຜະລິດສະບຽງ ອາຫານ, ການຜະລິດເປັນສິນຄ້າ, ການປະຕິບັດຄໍາສັ່ງ ເລກທີ 15/ນຍ ຕິດພັນກັບການ ຄຸ້ມຄອງການປູກກ້ວຍທີ່ໃຊ້ ສານເຄມີເກີນຄ່າມາດຕະຖານ; ການລາຍງານການຄຸ້ມຄອງ ແລະ ປາບປາມບັນຫາຢາເສບຕິດ; ການລາຍງານການ ສັ່ງ ຟ້ອງຄະດີອາຍາຂຶ້ນສານ, ການເຂົ້າຮ່ວມກອງປະຊຸມໃນຄະດີແພງ ແລະ ທິດທາງໃນການປັບປຸງແກ້ໄຂໃນຕໍ່ໜ້າ; ການລາຍງານ ການດຳເນີນຄະດີອາຍາຢູ່ສານຂັ້ນຕົ້ນ ແລະ ສານຂັ້ນອຸທອນ; ພິຈາລະນາຮັບຮອງບົດລາຍງານກ່ຽວກັບ; ພ້ອມນັ້ນກໍຈະໄດ້ສຸມໃສ່ປະກອບຄຳຄິດເຫັນໃສ່ບັນດາບັນຫາສໍາຄັນພື້ນຖານ ຂອງແຂວງ.
