ເຈົ້າຊີວິດ ແລະ ລາຊະນີ ເນເທີແລນ ອອກມາຂໍໂທດຕໍ່ປະຊາຊົນ ທີ່ລ່ວງລະເມີດບໍ່ໄດ້ຮັກສາໄລຍະຫ່າງທາງສັງຄົມ

ຂ່າວຈາກ tuoitre ໃຫ້ຮູ້ເມື່ອວັນທີ 25 ສິງຫານີ້ວ່າ: ເຈົ້າຊີວິດ ແລະ ລາຊະນີ ເນເທີແລນ ໄດ້ອອກມາຂໍໂທດຕໍ່ປະຊາຊົນໃນວັນທີ 24 ສິງຫາ ທີ່ໄດ້ລ່ວງລະເມີດ ບໍ່ຮັກສາໄລຍະຫ່າງທາງສັງຄົມ ໃນຂະນະທີ່ໄປພັກຜ່ອນຢູ່ປະເທດ ເຄຣັກ ກັບຄືນມາ.

ສຳນັກຂ່າວ  AFP ໃຫ້ຮູ້ວ່າ: ການໄປພັກຜ່ອນລະດູແລ້ງກັບລາຊະນີ ພ້ອມກັບລູກສາວ 3 ຄົນທີ່ປະເທດ ເຄຣັກ ກັບຄືນມາ ໄດ້ເກີດເປັນເລື່ອງເປັນລາວ, ມີຫາງສຽງວິພາກວິຈານໃນສື່ສັງຄົມຢ່າງຫຼວງຫຼາຍທີ່ທ່ານພ້ອມກັບຄອບຄົວບໍ່ປະຕິບັດມາດຕະການຮັກສາໄລຍະຫ່າງ ເພື່ອປ້ອງກັນພະຍາດໂຄວິດ-19 .

ໃນສື່ໂຊເຊວ ໄດ້ລົງພາບຖ່າຍຂອງພະເຈົ້າຊີວິດ Willem-Alexander, ອາຍຸ 53 ປີ ແລະ ລາຊະນີ Maxima, ອາຍຸ 49 ປີຖ່າຍຮູບຮ່ວມກັບເຈົ້າຂອງຮ້ານອາຫານແຫ່ງໜຶ່ງໃນເກາະ Mykonos ໃນປະເທດ ເຄຣັກ.

ຫຼັງຈາກນັ້ນ, ພະມະຫາເຈົ້າຊີວິດ ແລະ ພະລາຊະນີໄດ້ອອກມາຂໍໂທກປະຊາຊົນໂດຍຜ່ານທາງທະວິດເຕີວ່າ: ຂໍໂທດທີ່ວ່າ: ບໍ່ໄດ້ຢືນຫ່າງໄກເຖິງ 1,5 ແມດກັບເຈົ້າຂອງຮ້ານ ຕາມການກຳນົກມາດຕະການຮັກສາໄລຍະຫ່າງຂອງ ເນເທີແລນ ວາງອອກ ແລະ ທັງບໍ່ໄດ້ໃສ່ຜ້າອັດປາກ-ດັງ.

ຂ່າວ: ລູກເມືອງພວນ.