ປະຕິເສດກິນເຫຼົ້ານຳເຈົ້ານາຍ, ພະນັກງານທະນາຄານຂອງຈີນຖືກຕົບໜ້າ

ຂ່າວຈາກ Zing, ວັນທີ 25 ສິງຫານີ້ ໃຫ້ຮູ້ວ່າ: ພະນັກງານໃໝ່ຄົນໜຶ່ງໃນທະນາຄານຂອງຈີນ ຖືກຕົບໜ້າ ເພາະປະຕິເສດກິນເຫຼົ້າກັບຫົວໜ້າ. ເຫດການດັ່ງກ່າວໄດ້ສົ່ງຜົນເຮັດໃຫ້ບຸກຄະລາກອນລະດັບສູງ 2 ຄົນຂອງທະນາຄານແຫ່ງນັ້ນຖືກລົງວີໄນ.

ທະນາຄານສາກົນ Xiamen, ວັນທີ 23 ສິງຫານີ້ໃຫ້ຮູ້ວ່າ: ໃນວັນທີ 20 ສິງຫາ, ເມື່ອພະນັກງານຂອງທະນາຄານຄົນໜຶ່ງຊື່ Yang  ໄດ້ໄປກິນເຂົ້າຢູ່ຮ້ານແຫ່ງໜຶ່ງໃນນະຄອນປັກກິງ ພາຍຫຼັງເລີກວຽກ  ແລະ ໄດ້ປະຕິເສດກິນເຫຼົ້າກັບຫົວໜ້າ.

ທະນາຄານເລົ່າວ່າ: ທ້າວ Yang ປະຕິເສດກິນເຫຼົ້າກັບຫົວໜ້າສາຂາຊື່ Luo, ຫຼັງຈາກນັ້ນຖືກພະນັກງານອີກຄົນໜຶ່ງຊື່ Dong ຕົບເຂົ້າໃສ່ໃບໜ້າຂອງເຂົາ ແລະ ທັງຮ້າຍດ່າແບບດູຖູກຢຽບຫຍາມກຽດສັກສີ.

ເມື່ອຮູ້ຂ່າວ, ພາກສ່ວນພະແນກຈັດຕັ້ງຂອງທະນາຄານໃຫ້ຮູ້ວ່າ ບຸກຄະລາກອນລະດັບສູງທັງສອງຄົນນັ້ນຈະຖືກລົງວິໄນ, ທ້າວ Dong ຈະຖືກຕັດເງິນໂບນັດ 6 ເດືອນ, ສ່ວນ Luo ຈະຖືກຕັດ 3 ເດືອນ.

ຂ່າວ: ລູກເມືອງພວນ.