4 ເນື້ອໃນຕົ້ນຕໍ ກອງປະຊຸມສຸດຍອດແມ່ນໍ້າຂອງ-ແມ່ນໍ້າລ້ານຊ້າງ

ກອງປະຊຸມສຸດຍອດແມ່ນໍ້າຂອງ-ແມ່ນໍ້າລ້ານຊ້າງ ໄຂຂຶ້ນຢ່າງເປັນທາງການໃນວັນທີ 24 ສິງຫານີ້, ພາຍໃຕ້ການເປັນປະທານຮ່ວມລະຫວ່າງລາວ ແລະ ຈີນ, ມີສະມາຊິກທັງໝົດ 6 ປະເທດລຽບຕາມແມ່ນນໍ້າຂອງເຂົ້າຮ່ວມ, ກອງປະຊຸມດຳເນີນພາຍໃຕ້ຮູບແບບອອນລາຍ.

ກອງປະຊຸມຄັ້ງນີ້ ໄດ້ປຶກສາຫາລືກັນພາຍໃຕ້ 4 ເນື້ອໃນຕົ້ນຕໍຄື: ຕີລາຄາຄືນການຮ່ວມມືກັນຂອງກອງປະຊຸມແມ່ນໍ້າຂອງ-ລ້ານຊ້າງຄັ້ງທີ 2 ຜ່ານມາ, ຮ່ວມມືກັນດ້ານການແພດ, ເພີ່ມທະວີຄວາມອາດສາມາດຕ້ານການລະບາດຂອງພະຍາດ, ຮ່ວມມືກັນເພື່ອຟື້ນຟູເສດຖະກິດພາຍຫຼັງໂຄວິດ-19 ແລະ ຄຸ້ມຄອງນຳໃຊ້ແມ່ນໍ້າຂອງແບບຍືນຍົງ.

ໃນກອງປະຊຸມຄັ້ງນີ້, ຈີນໄດ້ໃຫ້ຄຳໝັ້ນສັນຍາວວ່າ: ຈະແບ່ງປັນຂໍ້ມູນຂ່າວສານດ້ານອຸຕຸນິຍົມ ແລະ ອຸທົກກະສາດຢູ່ຍອດແມ່ນໍ້າຂອງ ເພື່ອແນໃສ່ແກ້ໄຂບັນຫາການປ່ຽນແປງຂອງດິນຟ້າອາກາດກໍຄືໄພນໍ້າຖ້ວມ ແລະ ແຫ້ງແລ້ງ ຢູ່ລຸ່ມແມ່ນໍ້າຂອງ.

ທ່ານນາຍົກລັດຖະມົນຕີຂອງຈີນ ຫຼີເດີສຽງ ກ່າວວ່າ: “ຈີນພ້ອມແລ້ວທີ່ຈະເຮັດຄວາມສາມາດຂອງຕົນເພື່ອບັນດາປະເທດ MLC ເພື່ອໃຫ້ມີການນຳໃຊ້ຊັບພະຍາກອນນໍ້າທີ່ດີທີ່ສຸດ”.

ຂ່າວ: ລູກເມືອງພວນ(ແຫຼ່ງຂ່າວ tuoitre, ວັນທີ 25 ສິງຫາ 2020)