ສະປິດ ຍັງນຳກ໊ອຟ ທຣາເວລເລີ ວັນທີ 3

ການແຂ່ງຂັນກ໊ອຟ ພີຈີເອ ທົວ ລາຍການ ທຣາເວລເລີ ແຊ໊ມປຽນຊິບ ຊີງເງິນລາງວັນ ລວມ 6.8 ລ້ານໂດ ສະຫະລັດ ທີ່ສະໜາມທີພີຊີ ຣີເວີ ໄຮແລນ ພາ 70 ໃນເມືອງຄຣອມເວລ ລັດ ຄອນເນກຕິກັດ ສະຫະລັດ ອາເມ ຣິກາ ຫຼັງຈົບຮອບ 3 ຜົນປາກົດ ວ່າ ຈໍແດນ ສະປິດ ຜູ້ນຳຫຼັງຈົບ 2 ຮອບທຳອິດ ຍັງຄົງຮັກສາຕຳ ແໜ່ງຜູ້ນຳດ່ຽວເອົາໄວ້ໄດ້ ຫຼັງຕີ ເພີ່ມ 4 ອັນເດີພາ 66 ຄະແນນ ລວມ 12 ອັນເດີພາ 198 ຄະ ແນນ ນຳໜ້າ ບູ ວີກລີ ໝູ່ຮ່ວມ ຊາດທີ່ຢູ່ອັນດັບ 2 ດ້ວຍຄະແນນ ລວມ 11 ອັນເດີພາ 199 ຄະ ແນນ ພຽງສະໂຕຣກດຽວ. ຂະ ນະທີ່ ແດນຽລ ເບີເກີ ອີກໜຶ່ງນັກ ກ໊ອຟ ສະຫະລັດ ຢູ່ອັນດັບ 3 ລວມ 9 ອັນເດີພາ 201 ຄະແນນ ຕາມ ຫຼັງຜູ້ນຳຢູ່ 3 ສະໂຕຣກ.
ສ່ວນຜົນງານຂອງນັກກ໊ອຟຄົນອື່ນໆທີ່ໜ້າສົນໃຈ ພອລ ເຄຊີ ຈາກອັງກິດ ລວມ 8 ອັນເດີພາ 202 ຄະແນນ ຢູ່ທີ 4 ຮ່ວມ. ຄີ ແກນ ແບຣດລີ ຈາກ ສະຫະລັດ ລວມ 7 ອັນເດີພາ 203 ຢູ່ອັນດັບ 7 ຮ່ວມ. ເປແດຣກ ແຮຣິງຕັນ ຈາກ ໄອແລນ ລວມ 4 ອັນເດີພາ 206 ຄະແນນ ຢູ່ອັນດັບ 21 ຮ່ວມ. ຂະນະທີ່ ຣໍຣີ ແມັກອິລ ຣອຍ ມືວາງອັນດັບ 2 ຂອງໂລກ ເຮັດຄະແນນລວມ ອີເວນພາ 201 ຢູ່ອັນດັບ 60 ຮ່ວມ.