ກາຍເປັນເສດຖີເງິນຕື້ໂດລາ ຈາກການຈັບໂອກາດ ໂຄວິດ-19
ແຫຼ່ງຂ່າວຈາກ vietnamnet, ວັນທີ 25 ສິງຫາໃຫ້ຮູ້ວ່າ: Wong Teek Son ໄດ້ກາຍເປັນເສດຖີເງິນຕື້ໂດລາ ຄົນທີ 5 ໃນມາເລເຊຍ, ຍ້ອນເຂົາຜະລິດຖົງມືໃນທ່າມກາງຄວາມຕ້ອງການຂອງສັງຄົມຢ່າງຫຼວງຫຼາຍ ເພື່ອຕ້ານໂຄວິດ-19.
Wong Teek Son ເປັນຜູ້ສ້າງຕັ້ງບໍລິສັດ Riverstone Holdings ໃນຊຸມປີ 1980. ອັນເນື່ອງມາຈາກ ຄວາມຕ້ອງການຊື້ຖົງມືເພື່ອປ້ອງກັນໂຄວິດ-19 ເປັນຈຳນວນຫຼວງຫຼາຍ, ມູນຄ່າທະນາບັດຂອງບໍລິສັດຈຶ່ງໄດ້ເພີ່ມຂຶ້ນ 6 ເທົ່າຕົວຖ້າທຽບໃສ່ໄລຍະເດືອນມີນາ, ມູນຄ່າຊັບສິນຂອງ Wong ຂຶ້ນເຖິງ 1,2 ຕື້ USD.
ສຳນັກຂ່າວ Bloomberg ໃຫ້ຮູ້ວ່າ: ຄວາມໄວ ແລະ ພະລັງແຮງຂອງຂະແໜງການຜະລິດຖົງມືຢາງໃນຂະນະນີ້ແມ່ນສູງເປັນປະຫວັດການ. ເຖິງຢ່າງໃດກໍດີ, ມີສັນຍານເຕືອນວ່າໃກ້ຈະອີ່ມຕົວແລ້ວ, ໂດຍສະເພາະແມ່ນໃນໄລຍະເວລາທີ່ຄົ້ນຄວ້າໄດ້ວັກຊີນຕ້ານໂຄວິດ-19 ມານີ້.
ໃນຂົງເຂດຜະລິດຖົງມືຢາງໃນປັດຈຸບັນ, ມາເລເຊຍຢູ່ອັນດັບ 1, ກວມເອົາ 65% ຂອງຖົງມືຢາງທັງໝົດໃນທົ່ວໂລກ, ເຈົ້າໜ້າທີ່ກ່ຽວຂ້ອງຍັງໃຫ້ຮູ້ວ່າ:ການສົ່ງອອກສິນຄ້າປະເພດນີ້ຈະເພີ່ມຂຶ້ນ 45% ໃນປີນີ້.
ມູນຄ່າທະນາບັດຂອງບໍລິສັດ Riverstone ແມ່ນ Top Glove ແລະ Hartalega Holdings ເພີ່ມຂຶ້ນ 192% ໃນປີນີ້.
Knight Frank ຄຳນວນໄວ້ວ່າ ການສ້າງວັດຖຸສິງຂອງຂອງມາເລເຊຍ ແມ່ນໄວກ່ວາໝູ່ໃນໂລກ. ອີງຕາມການລາຍງານຂອງບໍລິສັດທີ່ປຶກສາ ຄາດວ່າ ຊາວມາເລເຊຍທີ່ມີລາຍຮັບຫຼາຍກ່ວາ 30 ລ້ານໂດລານັ້ນ ຈະເພີ່ມຂຶ້ນ 35% ໃນລະຫວ່າງປີ 2019-2024, ທຽບໃສ່ຕົວເລກ 2% ໃນໄລຍະປີ 2018-2019.
ຂ່າວ: ລູກເມືອງພວນ.
