ຢູເຊັນໂບລ ຢືນຢັນຕິດໂຄວິດ-19 ຈາກງານວັນເກີດຕົວເອງ..!
ຢູເຊັນໂບ ຕຳນານນັກແລ່ນ-ລານຊາວຈາເມກ້າ ເຈົ້າຂອງສະຖິຕິໂລກໃນຮຸ່ນ 100 ແລະ 200 ແມັດ,ຜົນງານ 8 ຫຼຽນຄຳໂອລິມປິກເກມ ໄດ້ຈັດງານສະຫຼອງວັນເກິດຂອງຕົນເອງອາຍຸຄົບ 34 ປີເມື່ອບໍ່ດົນມານີ້, ຫຼັງຈາກຈົບງານວັນເກິດແລ້ວ ຢູເຊັນໂບ ກໍ່ໄດ້ເຂົ້າໄປກວດຫາເຊື້ອຜົນປາກົດວ່າ ຕິດເຊື້ອໂຄວິດ-19 ເຊິ່ງຕອນນີ້ໄດ້ກັກຕົວ ເເລະ ປິ່ນປົວຮຽບຮ້ອຍແລ້ວ, ຂະນະທີ່ ຣາຮີມ ສະເຕິລິ້ງ ປິກຄວາມໄວຈະຫຼວດໜ້າດິນ ຊາວອັງກິດຂອງແມນເຊັດເຕີ້ຊິຕີ້ ຕົກເປັນຂ່າວວ່າຢູ່ໃນງານວັນເກີດຂອງຢູເຊັນໂບ້ອິກດ້ວຍ.
ນອກຈາກນີ້ສຳນັກຂ່າວຕ່າງປະເທດໄດ້ໃຫ້ຮູ້ວ່າ: ຢູເຊັນໂບ ນັ້ນໄດ້ຈັດງານວັນເກິດທີ່ເມືອງເເມນເຊັດເຕີ້ ປະເທດອັງກິດມີນັກກີລາ ແລະ ຄົນມີຊື່ສຽງເຂົ້າຮ່ວມງານຫຼາຍຄົນ, ເຊິ່ງໃນງານດັ່ງກ່າວກໍ່ບໍ່ໄດ້ປະຕິບັດຕາມກະຊວງສາທາລະນະສຸກຂອງອັງກິດ ໂດຍບໍ່ມີການຮັກສາໄລຍະຫ່າງ ບໍ່ໃສ່ຜ້າອັດປາກອັດດັງ ຈຶ່ງເຮັດມີການຕິດເຊື້ອ ເເຕ່ເຖີງຢ່າງໃດກໍ່ຕາມໃນງານດັ່ງກ່າວກໍ່ມີພຽງແຕ່ ຢູເຊັນໂບ ທີ່ອອກມາປະກາດວ່າຕົນເອງຕິດເຊື້ອໂຄວິດ-19 ແລະ ຍັງບໍ່ລວມເຖີງຄົນມາໃນງານວ່າຈະມີຄົນຕິດເຊື້ອເພີ່ມຕື່ມອິກບໍ່
