ຢາກໄດ້ກໍ່ຈ່າຍມາ..! ບາເຊໂລນາ ຕັ້ງຄ່າຈີກສັນຍາເມສຊີ 700 ລ້ານເອີໂຣ
August 25, 2020 - 9:03 AM
ຕາມການລາຍງານຂອງສຳນັກຂ່າວຕ່າງປະເທດໃຫ້ຮູ້ວ່າ: ຜູ້ບໍລິຫານສະໂມສອນ ບາເຊໂລນາ ໄດ້ຕັ້ງຄ່າຕົວຂອງ ລິໂອເນລ ເມສຊີ ກອງໜ້າຄົນເກ່ງຂອງທີມ ຊາວອາເຈນຕິນາ ຈໍານວນ 700 ລ້ານເອີໂຣ ຕາມຄ່າຈີກສັນຍາທີ່ເຮັດໄວ້ ຖ້າຫາກວ່າ ເມສຊີ ຕ້ອງການຍ້າຍທີມ ທີມຈະຄວ້າຕົວເມສຊີ ນັ້ນຕ້ອງໄດ້ຈ່າຍຕາມສັນຍາທີ່ບາເຊໂລນາຕັ້ງໄວ້.
ຈາກການຕັ້ງຄ່າຕົວດັ່ງກ່າວ ເຮັດໃຫ້ບໍ່ມີທີມໃດທີ່ມີເງິນຫຼາຍຂະໜາດນັ້ນທີ່ຈະຍື່ນຊື້ ເມສຊີ ເພາະຈໍານວນດັ່ງກ່າວ ຫຼາຍກວ່າສະຖິຕິໂລກຕອນທີ່ ເນມາ ກອງໜ້າຂອງຊາວບຣາຊິລ ທີ່ຍ້າຍຈາກ ບາເຊໂລນາ ໄປຢູ່ກັບ ປາຣີສ, ຂະນະນີ້ ເມສຊີ ເລີ່ມບໍ່ມີຄວາມຊັດເຈນກັບ ບາເຊໂລນາ ຫຼັງຈາກທີ່ບໍ່ພໍໃຈກັບແຜນງານຂອງ ສະໂມສອນ ທີ່ບໍ່ມີຈຸດໝາຍທີ່ຊັດເຈນພ້ອມຍັງພາດແຊ້ມ ລາລີກາ ສະເປນ ແລະ ຍັງຖືກ ບາເຢິນ ມິວນິກ ຖະຫຼົ່ມເຖິງ 8-2 ໃນຮອບ 8 ທີມສຸດທ້າຍຂອງ ຢູຟາ ແຊ້ມປ້ຽນລີກ
