ແບ່ງສາຍແລ້ວ ເຕະບານສາຍ ກ 2017 ຂະນະທີ່ປີທຳອິດມີເຖິງ 15 ທີມຮ່ວມແຂ່ງຂັນ

ອີງຕາມເພສເຟສບຸກຂອງ ສະຫະພັນບນຕະແຫງຊາລາວ່າ: ໃນວັນຕອນເຊົ້າວັນສຸກ 23 ມິຖຸ ນາ 2017 ຢູ່ທີ່ຫ້ອງປະຊຸມໃຫຍ່ ສະຫະພັນບານເຕະແຫ່ງຊາດ ລາວ ບ້ານຫ້ວຍຫົງ ເມືອງຈັນ ທະບູລີ ນະຄອນຫລວງວຽງຈັນ ໄດ້ມີພິທີຈັບສະຫລາກ ການແຂ່ງ ຂັນບານເຕະ ສາຍ ກ ((LAO DIVISION 1) ປະຈຳປີ 2017 ພາຍໃຕ້ການເປັນປະທານຂອງ ທ່ານ ປະສິດ ສຸພາບ ຮອງປະ ທານ ສະຫະພັນບານເຕະແຫ່ງຊ າດລາວ, ທ່ານ ໄຊບັນດິດ ຣາຊະ ພົນ ເລຂາທິການສະຫະພັນບານ ເຕະແຫ່ງຊາດ, ພະນັກງານທີ່ ກ່ຽວຂ້ອງ ແລະ ຕາງຫນ້າສະ ໂມສອນ ເຂົ້າຮ່ວມ .
ການແຂ່ງຂັນບານເຕະ ສາຍ ກ ((LAO DIVISION 1) ປະຈຳປີ 2017 ແມ່ນມີທີມ ທີ່ສະຫມັກເຂົ້າຮ່ວມທັງຫມົດ 15 ທີມ ແບ່ງອອກເປັນ 4 ກຸ່ມຄື:
ກຸ່ມ A:
1. ແບລາວ ອະຄະເດມີ.
2. ສະຫວັນ ຊິຕີ້.
3. ປະກາຍເພັດ ເອຟຊີ.
4. ເມືອງ ຈັນທະບູລີ.
ກຸ່ມ B:
1. ເຄພີເອສ ເອຟຊີ.
2. ມະນີຈັນ ພີ ວີ ເອຟຊີ.
3. ເອສຣາ ເອຟຊີ.
4. ມາສເຕີ ເຊເວັ້ນ.
ກຸ່ມ C:
1. ປກສ ເອຟຊີ.
2. ກອງທັບ ເອຟຊີ.
3. ນະຄອນຫຼວງ .
4. ຄິງໂລແມນ ເອຟຊີ.
ກຸ່ມ D:
1. ສະກໍປ້ຽນ ເອຟຊີ.
2. ດີເຄ ເອຟຊີ.
3. ມ ຊ ເອຟຊີ.
ຮູບແບບຂອງການແຂ່ງຂັນ ແມ່ນແບ່ງເປັນ 4 ກຸ່ມ, ກຸ່ມລະ 4 ສະໂມສອນ ເຊິ່ງຈະແບ່ງອອກ ເປັນຮອບຄືດັ່ງນີ້:
ກຸ່ມ 16 ທີມ ແລະ ຮອບ ແບ່ງກຸ່ມ 8 ທີມສຸດທ້າຍ ໂດຍທີມ ທີ່ມີຄະແນນອັນດັບ 1 ແລະ ອັນ ດັບ 2 ຂອງແຕ່ລະກຸ່ມໃນຮອບ ແບ່ງກຸ່ມ 16 ທີມ ຈະຜ່ານເຂົ້່າໄປ ຫຼີ້ນໃນຮອບແບ່ງກຸ່ມ 8 ທີມ, ຮອບຮອງຊະນະເລີດ ແລະ ຮອບ ຊິງຊະນະເລີດ ຕາມລໍາດັບ.
+ ຮອບແບ່ງກຸ່ມ 16 ທີມ
ໃນຮອບນີ້ ຈະໃຊ້ຮູບແບບ ການແຂ່ງຂັນແບບພົບກັນໝົດ (ໄປ-ກັບ) ແຕ່ລະທີມຈະໄດ້ແຂ່ງ 6 ນັດ.
ການຄິດໄລ່ຄະແນນໃນ ຮອບແບ່ງກຸ່ມ ແມ່ນເປັນໄປດັ່ງຕໍ່ ໄປນີ້:
– ຊະນະໄດ້ 3 ຄະແນນ.
– ສະເໝີໄດ້ 1 ຄະແນນ.
– ເສຍໄດ້ 0 ຄະແນນ.
ທີມທີ່ໄດ້ຄະແນນອັນດັບ 1 ແລະ ອັນດັບ 2 ຈະໄດ້ສິດຜ່ານ ເຂົ້າຮອບແບ່ງກຸ່ມ 8 ທີມ ຕໍ່ໄປ.
• ຖ້າໃນກໍລະນີທີ່ມີີ 2 ທີມ ຫຼື ຫຼາຍກວ່າ ມີຄະແນນເທົ່າກັນ ໃນ ເມື່ອສິ້ນສຸດການແຂ່ງຂັນຂອງ ຮອບແບ່ງກຸ່ມ ໃຫ້ໃຊ້ຫຼັກການດັ່ງ ລຸ່ມນີ້:
– ນັດທີ່ພົບກັນ (Head to Head)
– ລູກສະເລ່ຍທີ່ດີກວ່າ.
– ລູກໄດ້ທີ່ຫຼາຍກວ່າ.
– ລູກເສຍທີ່ໜ້ອຍກວ່າ.
-ຖ້າຍັງບໍ່ສາມາດຫາທີມ ເຂົ້າຮອບໄດ້ໃຫ້ຕັດສິນດ້ວຍການ ເຕະລູກໂທດ ທີ່ຈຸດໂທດ (ກໍລະນີ ມີ 2 ທີມທີ່ມີຄະແນນເທົ່າກັນ) ຖ້າ ທັງສອງທີມຍັງຢູ່ໃນສະໜາມ ແຂ່ງຂັນ.
+ ຮອບແບ່ງກຸ່ມ 8 ທີມ
ໃນຮອບນີ້ ຈະໃຊ້ຮູບແບບ ການແຂ່ງຂັນແບບພົບກັນໝົດ (ໄປ-ກັບ) ແຕ່ລະທີມຈະໄດ້ແຂ່ງ 6 ນັດ.
ການຄິດໄລ່ຄະແນນໃນ ຮອບແບ່ງກຸ່ມ ແມ່ນເປັນໄປດັ່ງຕໍ່ ໄປນີ້:
– ຊະນະໄດ້ 3 ຄະແນນ.
– ສະເໝີໄດ້ 1 ຄະແນນ.
– ເສຍໄດ້ 0 ຄະແນນ.
ທີມທີ່ໄດ້ຄະແນນອັນດັບ 1 ແລະ ອັນດັບ 2 ຈະໄດ້ສິດຜ່ານ ເຂົ້າຮອບຮອງຊະນະເລີດ ຕໍ່ໄປ.
• ຖ້າໃນກໍລະນີທີ່ມີີ 2 ທີມ ຫຼື ຫຼາຍກວ່າ ມີຄະແນນເທົ່າກັນ ໃນ ເມື່ອສິ້ນສຸດການແຂ່ງຂັນຂອງ ຮອບແບ່ງກຸ່ມ ໃຫ້ໃຊ້ຫຼັກການດັ່ງ ລຸ່ມນີ້:
– ນັດທີ່ພົບກັນ (Head to Head).
– ລູກສະເລ່ຍທີ່ດີກວ່າ.
– ລູກໄດ້ທີ່ຫຼາຍກວ່າ.
– ລູກເສຍທີ່ໜ້ອຍກວ່າ.
– ຖ້າຍັງບໍ່ສາມາດຫາທີມ ເຂົ້າຮອບໄດ້ໃຫ້ຕັດສິນດ້ວຍການ ເຕະລູກໂທດ ທີ່ຈຸດໂທດ (ກໍລະນີ ມີ 2 ທີມທີ່ມີຄະແນນເທົ່າກັນ) ຖ້າທັງສອງທີມຍັງຢູ່ໃນສະໜາມແຂ່ງຂັນ.
+ ຮອບຮອງຊະນະເລີດ.
ໃນຮອບນີ້ ທີມອັນດັບ 1 ຂອງກຸ່ມ A ພົບກັບ ທີມອັນດັບ 2 ຂອງກຸ່ມ B ແລະ ທີມອັນດັບ 1 ຂອງກຸ່ມ B ພົບກັບ ທີມອັນດັບ 2 ຂອງກຸ່ມ A ທັງສອງຄູ່ແມ່ນແຂ່ງ ຂັນແບບໄປ ແລະ ກັບ.
– ກົດການຍິງປະຕູທີມຢາມ ຈະຖືກນໍາມາໃຊ້ .
– ຖ້າແຂ່ງສອງນັດແລ້ວ ຜົນອອກມາສະເໝີ (ຕົວຢ່າງ: ທີມ A 1-1 ທີມ B ແລະ ທີມ B 1-1 ທີມ A) ການແຂ່ງຂັນຈະ ສືບຕໍ່ໃນຊ່ວງຕໍ່ເວລາພິເສດ 30 ນາທີ (ເຄິ່ງລະ 15 ນາທີ) ແລະ ຖ້າຍັງສະເໝີກັນຢູ່ ຕ້ອງຕັດສິນ ໃນການຍິງລູກໂທດ ເພື່ອຫາຜູ້ຊະ ນະ.
+ ຮອບຊິງຊະນະເລີດ
ໃນຮອບນີ້ ຈະແຂ່ງຂັນກັນ ນັດດຽວ ໃນເວລາ 90 ນາທີ ຖ້າ ຫາຍັງຫາຜູ້ຊະນະບໍ່ໄດ້ ການແຂ່ງ ຂັນ ຈະຖືກຕໍ່ເວລາພິເສດ 30 ນາ ທີ (ເຄິ່ງລະ 15 ນາທີ) ຖ້າຍັງ ຫາຜູ້ຊະນະບໍ່ໄດ້ ຈະຕັດສິນດ້ວຍ ການຍິງລູກໂທດ.
ສະໂມສອນທີ່ໄດ້ອັນດັບ 1 ແມ່ນສາມາດເລື່ອນຊັ້ນຂື້ນໄປ ຫຼິ້ນໃນ ລາວ ພຣີເມຍລີກ ລະດູ ການຕໍ່ໄປທັນທີ,ສ່ວນສະໂມສອນທີໄດ້ອັນດັບ 2 ແມ່ນຈະຕ້ອງໄດ້ ແຂ່ງຂັນ (Play off) ກັບທີມ ອັນດັັບ 7 ຂອງ ລາວພຣີເມຍລີກ 2017 ເພື່ອຫາທີມເຂົ້າແຂ່ງຂັນ
ລາວພຣີເມຍລີກ ລະດູການ ຕໍ່ໄປກໍຄືລະດູການ 2018; ຖ້າ ຫາກວ່າທີມ ສະໂມສອນໃນ ລາວພຣີເມຍລີກ ທີມໃດທີມໜື່ງ ຫຼື ຫຼາຍກວ່າມີການຖອນຕົວອອກ ຈາກການແຂ່ງຂັນລາວພຣີເມຍ ລີກ ລະດູການ 2018 ນັັ້ນ; ສະໂມ ສອນທີ່ມີອັນດັບທີ່ດີ (3, 4, 5…..) ສາມາດເຂົ້າແຂ່ງຂັນ ຕາມລຳດັບ.
ສ່ວນມື້ເລີ່ມການແຂ່ງຂັນ ແມ່ນຈະເລີ່ມແຂ່ງຂັນໃນວັນທີ 08 ກໍລະກົດ 2017 ເຊິ່ງຈະແຂ່ງ ຂັນຢູ່ທີ່ສະຫນາມ ໜາມຝຶກຊ້ອມ ຫ້ວຍຫົງ 1 ແລະ 2 ໃນຮອບແບ່ງ ກຸ່ມ, ຮອບກ່ອນຮອງຊະນະເລີດ ແລະ ຮອບຮອງຊະນະເລີດ. ສ່ວນການແຂ່ງຂັນຮອບຊິງຊະ ນະເລີດແມ່ນຈະຈັດຂຶ້ນທີ່ ສະ ໜາມກິລາແຫ່ງຊາດ ຫຼັກ 16.
ລາຍລະອຽດຕາຕະລາງ ການແຂ່ງຂັນແມ່ນຈະແຈ້ງໃຫ້ ຊາບພາຍຫລັງ.