ເຄທີ ຄອງແຊ໋ມດອກປີກໄກ່ ທົ່ວປະເທດ ຄັ້ງທີ 20 ຊີງຂັນປະທານສະພາແຫ່ງຊາດ ຢ່າງຍິ່ງໃຫຍ່
ທັບນັກກິລາດອກປີກໄກ່ ສະໂມສອນ ເຄທີ ຄລັບ ສາມາດກວາດ 2 ຫຼຽນຄຳ, 3 ຫຼຽນເງິນ ແລະ 2 ຫຼຽນທອງ ຄອງຂັນຊະນະເລີດ ການແຂ່ງຂັນກິລາດອກປີກໄກ່ ທົ່ວປະເທດ ຄັ້ງທີ 20 ຊີງຂັນປະທານສະພາແຫ່ງຊາດ ຫຼື ລາຍການ ເບຍລາວ ໂອເພັນ 2020 ເພື່ອສ້າງຂະບວນການສະເຫຼີມສະຫຼອງວັນສ້າງຕັ້ງວັນລັດຖະທຳມະນູນ ຄົບຮອບ 29 ປີ. ຂະນະທີ່ ວິຊຸນນະລາດ ພິຈິດ ຈາກສະໂມສອນ ມັນທາຕຸລາດ ສາມາດປ້ອງກັນແຊ໋ມ 3 ປີຊ້ອນ.
ການແຂ່ງຂັນດອກປີກໄກ່ ທົ່ວປະເທດ ຄັ້ງທີ 20 ຊີງຂັນປະທານສະພາແຫ່ງຊາດ ປະຈຳປີ 2020 ລະຫວ່າງວັນທີ 20-23 ສິງຫາ ຜ່ານມາ ທີ່ສະໂມສອນ ດອກປີກໄກ່ ເສດຖາ (ບ້ານບຶງຂະຫຍອງ) ນະຄອນ ຫຼວງວຽງຈັນ ໂດຍໃຫ້ກຽດເຂົ້າຮ່ວມ ແລະ ມອບຂັນຊະນະເລີດຂອງທ່ານ ປອ. ບຸນປອນ ບຸດຕະນະວົງ ຮອງປະທານສະພາແຫ່ງຊາດ, ທ່ານ ສອນທະນູ ທຳມະວົງ ປະທານສະຖາບັນວິທະຍາສາດສັງຄົມແຫ່ງຊາດ, ທ່ານ ສົມພູ ພົງສາ ຜູ້ຊ່ວຍລັດຖະມົນຕີ ກະຊວງສຶກສາທິການ ແລະ ກິລາ ທັງເປັນຮອງປະທານ ແລະ ເລຂາທິການຄະນະກຳມະການໂອແລມປີກແຫ່ງຊາດ, ທ່ານ ປອ. ບຸນເຫຼືອ ສິນໄຊວໍຣະວົງ ຮອງລັດຖະມົນຕີກະຊວງການເງິນ ທັງເປັນປະທານສະຫະພັນດອກປີກໄກ່ແຫ່ງຊາດ ແລະ ທ່ານ ສູນທອນ ພົມມະຈັກ ປະທານບໍລິສັດ ເບຍລາວ ຈຳກັດ ພ້ອມດ້ວຍຫົວໜ້າກົມກິລາລະດັບສູງ, ຄະນະບໍລິຫານງານສະຫະພັນ ແລະ ພະນັກງານທີ່ກ່ຽວຂ້ອງ ຕະຫຼອດຮອດຄະນະນຳ, ຄູຝຶກ ແລະ ນັກກິລາ ຈາກ 7 ແຂວງ, 33 ສະໂມສອນ ອ້ອມຂ້າງສູນກາງ ແລະ ກອງເຊຍດອກປີກໄກ່ລາວເຂົ້າຮ່ວມຊົມ ແລະ ເຊຍຫຼາຍພັນຄົນ.
ລາຍການດັ່ງກ່າວ ໄດ້ຮັບການສະໜັບສະໜູນຫຼັກ ຈາກບໍລິສັດ ເບຍລາວ ຈຳກັດ ລວມມູນຄ່າ 162 ລ້ານກີບເຊິ່ງດຳເນີນແຂ່ງຂັນເປັນເວລາ 4 ວັນ ລະຫວ່າງວັນທີ 20-23 ສິງຫານີ້ ໂດຍມີການຊີງໄຊທັງໝົດ 12 ລາຍການ ປະກອບມີ ປະເພດດ່ຽວເຍົາວະຊົນຊາຍ ຮຸ່ນອາຍຸບໍ່ເກີນ 14 ປີ, ດ່ຽວເຍົາວະຊົນຍິງ ຮຸ່ນ 17 ປີ, ຄູ່ເຍົາວະຊົນປະສົມ ຮຸ່ນ 17 ປີ, ດ່ຽວຊາຍ ທົ່ວໄປ, ຄູ່ຍິງ ທົ່ວໄປ, ຄູ່ອາວຸໂສຊາຍອາຍຸລວມ 90 ປີຂຶ້ນໄປ ແລະ ຄູ່ອາວຸໂສຊາຍອາຍຸລວມ 100 ປີ, ດ່ຽວເຍົາວະຊົນຊາຍ ຮຸ່ນ 17 ປີ, ຄູ່ເຍົາວະຊົນຊາຍ ຮຸ່ນ 17 ປີ, ຄູ່ສະໝັກຫຼິ້ນຊາຍ, ຄູ່ຊາຍທົ່ວໄປ ແລະ ຄູ່ປະສົມທົ່ວໄປ ໂດຍມີນັກກິລາເຂົ້າຮ່ວມທັງໝົດ 328 ຄົນ, ຍິງ 26 ຄົນ ເພີ່ມຂຶ້ນຈາກຄັ້ງກ່ອນປະມານ 15 ເປີເຊັນ ໂດຍມີທັງໝົດ 40 ພາກສ່ວນ ໃນນັ້ນມາຈາກ 7 ແຂວງ ປະກອບມີ ຫຼວງພະບາງ, ຫຼວງນໍ້າທາ, ໄຊຍະບູລີ, ບໍ່ແກ້ວ, ບໍລິຄຳໄຊ, ຄຳມ່ວນ ແລະ ສະຫວັນນະເຂດ ແລະ ອີກ 33 ພາກສ່ວນທີ່ມາຈາກບັນດາສະໂມສອນ, ບໍລິສັດ ແລະ ພະແນກການອ້ອມຂ້າງ ນະຄອນຫຼວງວຽງຈັນ.
ຜ່ານການແຂ່ງຂັນໃນໄລຍະ 4 ວັນດັ່ງກ່າວ ຜົນປະກົດວ່າ: ສະໂມສອນ ເຄທີ ຄລັບ ກວາດ 2 ຫຼຽນຄຳ, 3 ຫຼຽນເງິນ ແລະ 2 ຫຼຽນທອງ ຄອງຂັນຊະນະເລີດ ດອກປີກໄກ່ທົ່ວປະເທດ ຄັ້ງທີ 20 ຊິງຂັນປະທານສະພາແຫ່ງຊາດໃນລາຍການ Beerlao Open 2020 ໄປຄອງ ສຳລັບປະເພດດຽວເຍົາວະຊົນຊາຍ ອາຍຸບໍ່ເກີນ 14 ປີ ອັນດັບ 1 ພູບັນດິດ ຈາກສະໂມສອນ ວິນເນີ້, ອັນດັບ 2 ສາຍຟ້າ (ຫລວງພະບາງ, ອັນດັບ 3 ຮ່ວມ ຫຼວງຕິກຸນ ແລະ ທະວັດສິນຈາກສະໂມສອນ winner, ປະເພດດ່ຽວເຍົາວະຊົນຊາຍອາຍຸບໍ່ເກີນ 17 ປີ ອັນດັບ 1 ມານັດ ເພຍສຸລິນ (ຄຳມ່ວນ) ມືວາງອັນດັບ 1, ອັນດັບ 2 ໄຊຍະສອນ ແກ້ວໄຊ (ໂຮງຮຽນຊັບປັນຍາ) ແລະ ອັນດັບ 3 ຮ່ວມ ໄຊຍະລາດ ສຸກສະຫວັນ Captain Club ມືວ່າງອັນດັບ 4, ສຸລິໄຊ ສົມຈະເລີນ (Ms Club) ມືວາງອັນດັບ 3, ປະເພດເຍົາວະຊົນຍິງອາຍຸບໍ່ເກີນ 17 ປີ ອັນດັບ 1 ພຸດສະຫວັນ (ໂຮງຮຽນຊັບປັນຍາ), ອັນດັບ 2 ວິລະກອນ (KT) ແລະ ອັບດັບ 3 ອັດຈິມາ (ມັນທາຕຸລາດ), ປະເພດຄູ່ເຍົາວະຊົນຊາຍ ອາຍຸບໍ່ເກີນ 17 ປີ ອັນດັບ 1 ມານັດ ເພຍສຸລິນ ( ຄຳມ່ວນ ) + ໄຊຍະລາດ (Captain Club), ອັນດັບ 2 ໂພທິພອນ+ໄຊຍະພອນ (ໂຮງຮຽນຊັບປັນຍາ), ອັນດັບ 3 ຮ່ວມ ນັດທະວຸດ+ຄອນຫວັນ ແລະ ທະນົງສັກ+ເຂັມຄຳ ຈາກແຂວງບໍລິຄຳໄຊ, ປະເພດຄູ່ເຍົາວະຊົນປະສົມອາຍຸບໍ່ເກີນ 17 ປີ ອັນດັບ 1 ໂພທິພອນ (ໂຮງຮຽນຊັບປັນຍາ) + ນາງ ສຸດາລັດ (Captain), ອັນດັບ 2 ມີໄຊກອນ+ນິພາພອນ (Winner) ແລະ ອັນດັບ 3 ປະຫວັດໄຊ + ສຸດທິດາ (ແສງຕາວັນ).
ສ່ວນປະເພດຄູ່ສະຫມັກຫຼິ້ນຊາຍ ອັນດັບ 1 ດາວວຽງສິດ+ບຸນຍາລິດ ( KT Club), ອັນດັບ 2 ສິດປະເສີດ+ແກ້ວມະນີ້(KT Club) ແລະ ອັນດັບ 3 ຮ່ວມ ສອນວິຈິດ+ພຸດທະວົງ (ໄຊເງີນນາຖາວົງ) ແລະ ອານຸພາບ+ກຽດຕິສັກ (Club Dplus), ປະເພດດ່ຽວຊາຍທົ່ວໄປ ອັນດັບ 1 ວິຊຸນນະລາດ ພິຈິດ ມື 1 ແຊ໋ມເກົ່າ, ອັນດັບ 2 ນາມບຸນ ຫຼວງອາມາດ (ເສດຖາ) ແລະ ອັນດັບ 3 ຮ່ວມ ຣາຊະວົງ ພິຈິດ ( ມັນທາຕຸລາດ ) ແລະ ເຈຍລະໄນ ຫຼວງອາມາດ ( KT Club ), ປະເພດຄູ່ຊາຍທົ່ວໄປ ອັບດັບ 1 ໄຊສົມພອນ(D Plus)+ໄຊຊະນະ (ເສດຖາ), ອັນດັບ 2 ນາມບຸນ+ແສງອາທິດ (ເສດຖາ) ແລະ ອັນດັບ 3 ຮ່ວມ ພຸດສະຫວັນ+ຄຳຫລ້າ ເຊີນ (ຫຼວງພະບາງ) ແລະ ສີປະເສີດ (KT Club) ແລະ ປະເພດຄູຍິງທົ່ວໄປ ອັນດັບ 1 ທິດາຈັນ+ບຸຜາເກສອນ (KT Club), ອັນດັບ 2 ເພັດມະນີ+ລົດຈະນາ (Lao-Viet Banks) ແລະ ອັນດັບ 3 ຮ່ວມ ອອນລີທູ+ມະນີວອນ (ເສດຖາ) ແລະ ອາຈິມາ (ມັນທາຕຸລາດ)+ພຸດສະຫວັນ (ໂຮງຮຽນພອນສະຫວັນ), ປະເພດຄູ່ປະສົມທົ່ວໄປ ອັນດັບທີ 1 ທ້າວ ພັນທະລັງ ອຸໄທທານີ+ນາງ ເພັດມະນີ (Lao-Viet Banks), ອັນດັບທີ 2 ທ້າວ ໄຊສົມພອນ+ນາງ ສີລິພອນ (ເສດຖາ) ແລະ ທີ 3 ທ້າວ ສຸລິສັກ+ນາງ ບຸບຜາເກສອນ (KT Club), ອາວຸໂສຊາຍຮຸ່ນອາຍຸລວມ 90 ປີ ອັນດັບທີ 1 ຈັນທະລາດ+ວຽງໄຊ ສະໂມສອນ ສະກາຍໄລ້, ທີ 2 ບຸນເປົ້າ+ຂວັນໄຊ (KT Club), ອັນດັບທີ 3 ຮ່ວມ ສຸລິຍົງ+ວັນນະສອນ (ຈະເລີນຊັບ) ແລະ ມີໄຊສັກ+ວິລະກດອນ (HK) ແລະ ອາວຸໂສຮຸ່ນອາຍຸລວມ 100 ປີ ອັນດັບທີ 1 ວົງເພັດ+ສະເນ່ຫາ (ຈະເລີນຊັບ), ອັນດັບທີ 2 ແສງເພັດ+ສີປະເສີດ (ຈະເລີນຊັບ), ອັນດັບທີ 3 ຮ່ວມ ຄຳແພງ+ຈັນທະບູນ (ຈະເລີນຊັບ) ແລະ ບັນດິດ+ຂວັນໃຈ (ຈະເລີນຊັບ).
ຂ່າວ: ສົງການ
ພາບ: ວັດທະນາ ແກ້ວມະນີວົງ
